Miðveldin voru Mið-Evrópuríkin Þýskaland, Austurríki-Ungverjaland, Tyrkjaveldi og Búlgaría, sem börðust gegn Bandamönnum í Fyrri heimsstyrjöldinni.

Bandalag milli Þýskalands og Austurríkis-Ungverjalands var formlega stofnað 7. október 1879. 20. maí 1889 varð Ítalía aðili að bandalaginu (Þríveldin), en þegar Ítalía hóf þátttöku í styrjöldinni í maí árið 1915 gerði hún það í bandalagi við Breta.

Eftir að styrjöldin braust út í ágúst 1914 tóku Tyrkir afstöðu gegn Rússum í október sem olli því að löndin sem aðild áttu að Samúðarbandalaginu lýstu þeim stríði á hendur. Síðastir gerðust Búlgarir aðilar að bandalaginu árið 1915 og réðust inn í Serbíu, ásamt herjum Þjóðverja og Austurríkismanna.

Búlgarir urðu fyrstir til að undirrita vopnahléssamkomulag við Bandamenn 29. september 1918. Tyrkir fylgdu í kjölfarið 30. október og Austurríki og Ungverjaland undirrituðu aðskilda vopnahléssamninga í byrjun nóvember. Stríðinu lauk svo með undirritun Þjóðverja 11. nóvember.

Hernaðarbandalög | Fyrri heimsstyrjöldin

قوات المحور | Centrální mocnosti | Centralmagterne | Mittelmächte | Central Powers | Keskusvallat | Potencias Centrais | מעצמות המרכז | Imperi Centrali | 中央同盟国 | 동맹국 | Centrinių valstybių sąjunga | Centrale mogendheid | Sentralmaktene | Państwa centralne | Puterile Centrale | Тройственный союз 1882 | Ústredné veľmoci | Centralmakterna | مرکزی طاقتیں | 同盟國 (第一次世界大戰)