Flugo-disko

Flugodisko (Angle: flying disc) esas neanciena sporto. Ol naskis ye komenco di 1960a yari en skoli di westal rivo di Usa. En komenco esis diversa speci e jenri. L' unesma oficala ludo en ultimate esis ludita ye 1968. Pluse ultimate (extremo) esas freestyle (liber-stilo) e disc golf (golfo per disko).

Unesma konkurso pro championeso di Europa en ultimate esis ludita ye 1980 e pro championeso di mondo ye 1983. En 2004 pro championeso esas ludita en Finlando, en urbo Turku.

La ludilo (Angle: frisbee) esas negrava (175 g) e kelke kurva disko facita ek plastiko. Ol povas "flugar" kande ulu jetas ol horizontale. Diametro di disko esas c. 25 centimetri.

Ludoloko esas fenofeldo. Tre bona loko esas futbolo-feldo. Larjeso di ludo-areo esas 3/5 de larjeso di futbolo-feldo. Longeso esas sama kam longeso di futbolo-feldo ma l' areo de 20 metri ek amba fino esas la golo-areo.

Regularo di ludo ultimate:

du sep-homala trupi ludas.
golo(?) esas aquirita kande ludero povas pasar la flugodisko ad altra ludero di propra trupo til golo-areo.
maxim multa golin aquirinta trupo esas vinkanto di ludo.
la ludo finas pos 100 minuti o kande un ek trupi aquiras kontratita quanto di goli. Ofte la quanto di goli esas c. 17. Se amba trupi havas sama quanto di goli pos 100 minuti, sequanta golo determinos la vinkanto.
la flugodiskon darfas movar nur pasante tra aero.
se ludero tenas la flugodisko en lua manuo, la ludero ne darfas kurar o pazar ek lua loko.
ludero darfas tenar la flugodisko en lua manuo admaxime 10 sekundi.
kande l' atakanta trupo avancas vers golo-areo, la defensanta trupo zelas obstruktar lu.
atakanta trupo perdas la flugodisko kande paso(?) falias o interruptesas, kande la flugodisko strokesas adsur sulo o lu tushas sulo exter ludo-areo.
omna korpala kontakti e tushi esas abnegata.
en ludo ne existas ula arbitristo ma ipsa ludanti arbitras dum ludo (kam siori).

Extera ligilo World Flying Disc Federation

Sporti

Gourt Home::Gourt :: Flugo-disko