L’ Europana Karbono- e Stalo-Komuneso, ECSC (Angle: European Coal and Steel Community) fondesis ye 1951. La bazala penso esis kontrolar la produkto di karbono e stalo internacione e tale preventor, ke nula stato povus fortifikor su por milito. La kombato pro karbono e stalo esabis signifikanta kauzo pro militi en Europa.

Unesme pri tala Komuneso parolis la ministro di exterlandal aferi di Francia Robert Schuman ye 9 di mayo 1950. Sama dio esas nun l’ Europa-dio che l’ Europana Uniono.

La fondanta stati di ECSC esis Francia, West-Germania, Italia, Nederlando, Belgia, Luxemburgia. La stati kontratis, ke lia metalal industrio funcionos internacione. Samatempe li partiale donis lia nacionala suvereneso komun-Europala administreri, ma la domeni esis tre exakte definita. La sama ideo esas uzata pose anke che Europana Uniono.

Per ECSC on kreis komuna karbonal e stalala merkato. La skopo dil Komuneso esis:

• sekurar l’ aquiro di karbonal e stalala produkti,
• garantiar ke singla stato membrala havas libera aceso a marketo,
• sekurar ke la preci esas nefixita,
• krear apta kondiciono por developo dil produktado e preventar trouzo di minerali,
• plubonigar la kondiciono vival e laborala dil laboristi di industrio,
• modernigar la produktado,
• preventar la diskrimino dil kompreri, produkteri e konsumeri,
• efacar doganala pagi ed altra pagi devenanta de komercal akti.

Pro developir ca aferi on pagis a komuna budjeto. Ol esas la sola Europal imposto.

Ye 1957 la sama stati fondis l’ Europana Komuneso Ekonomiala. Ye 1967 l’ organi dil ECSC esis unionita a komun organi dil Europana Komuneso. La efikanta tempo di fondo-kontrato duris 50 yari, til 2002.

Ekonomial organizuri

Европейска общност за въглища и стомана | Comunitat Europea del Carbó i de l'Acer | Evropské společenství uhlí a oceli | Cymuned Ewropeaidd Glo a Dur | Kul- og Stålunionen | Europäische Gemeinschaft für Kohle und Stahl | European Coal and Steel Community | Comunidad Europea del Carbón y del Acero | Euroopan hiili- ja teräsyhteisö | Communauté européenne du charbon et de l'acier | קהילת הפחם והפלדה האירופית | यूरोपीय कोयला और स्टील संगठन | Európai Szén- és Acélközösség | Comunità Europea del Carbone e dell'Acciaio | 欧州石炭鉄鋼共同体 | 유럽 석탄 철강 공동체 | Communauté européenne du Charbon et de l'Acier | Europese Gemeenschap voor Kolen en Staal | Det europeiske kull- og stålfellesskap | Europejska Wspólnota Węgla i Stali | CECA | Comunitatea Europeană a Cărbunelui şi Oţelului | Európske spoločenstvo pre uhlie a oceľ | Europeiska kol- och stålgemenskapen