11ma yar-cento

Kursiva yaro ne inheras a ca yarcento:

Dum 11ma yarcento eventis inter altri:

La vikingo-epoko pokope finas.
Vikingi-mercenarii laboras en Bizanto kom sateliti di cezaro en palaco.
Kristanismo expansas dum unesma yardeki di 11ma yarcento ad Islando, kande generala kunveno (allting) permisas lo.
Rejo di Suedia, Olav, esas baptita a Kristanismo ja en 1008 ma paganal templo en Uppsala perseveras til fino di yarcento kom la maxim forta centro di anciena kredo. Konverteri iris de Anglia, Germania ed anke de Bizanto.
En Finlando la mortinti esas entombita segun Kristana manieri ma anciena kredo esas sempre forta.
Roma, Firence e Venezia divenas civiti en Italia.

Arabi e Persiani expansas ad esta rivo di Afrika. Li fondis la urbi di Mombasa, Mogadishu e Sofala. Li transportas oro, ivoro e sklavi ad India ed Arabia.
Bantu-populi fondas multa rejii en suda Afrika.
West-Afrikana stati Takrur e Gao richeskas per oro-komerco.
En nuna areo di Zimbabwe prosperas alta kulturo.
La dinastio di Fatimidi administras norda Afrika. Tempope lua povo extensas de Tunizia a Siria e Mekka. Kalifo al-Hakim persekutas Kopto-Kristani e devastas la kirko dil Santa Tombo en Jerusalem.
En Etiopia Kristana kirki esas hakita en roko.

Anasazi, l’ ancestri di Pueblo-Indiani, konstruktas mult-etajala lojeyi komunala aden rokala konkavuyi en nuna Mesa Verde, Chaco Canyon e Canyon de Chelly.

En Nigeria florifas la kulturo di Yorubi.
En West-Sahara Berber-nomadi turnas su en Islamo e divenas suportanti di extrema sekto di Almoravidi. Li konquestas West-Afrika, e populo pos populo turnas su Islamismo.

Gourt Home::Gourt :: 11ma yar-cento