Zoologia

Le zoologia (s) ^* es le disciplina biologic que studia le animales.

Themas connexe

Morphologia de animales, Physiologia de animales, Evolution, Anatomia comparate, Systematica, Paleontologia, Theriologia, Ornitologia, Herpetologia, Ichthyologia, Malacologia, Etologia.
Zoologos famose, Historia del Zoologia

Vide alsi

Le Regno animal

Brancas del studio zoologic

Le zoologia se divide in le sequente cinque brancas:

Morphographia. Le labor del collector e del systematista: exemplificate per Linnaeus e su predecessores.
Bionomica. Include le thremmatologia, le scientia de reproduction, e le teleologia applicate, o le scientia del adaptiones organic.
Vide tamben: evolution, hereditate, variation, Mendelismo, reproduction, sexo.
Zoodynamica, zoophysica, e zoochimia; zootomia e physiologia.
Vide tamben: medicina, chirurgia, physiologia, anatomia, embryologia.
Plasmologia, le studio del ultime corpusculos de materia vive, lor structura, disveloppamento e characteristicas, per medio del microscopo.
Vide tamben: cytologia, protoplasma.
Zoologia philosophic. Conceptiones general concernente le relationes inter le esseres vive (specialmente animales) e le universo, le humano, e le origines e significantia del vita.
Vide tamben: evolution, biologia, philosophia, religion, etc.

Iste articulo tracta primarimente duo themas:

Le historia del varie schemas morphographic de classification;
Le consideration del tendentias principal in le studio del zoologia post Darwin.

Systemas de classification

Le morphographia include le exploration e tabulation systematic del factos concernente le recognition de tote le species existente e extincte de animales e lor distribution in spatio e tempore. Le varietates principal de obreros zoologic situate sub iste capite es:

le curatores de museos e descriptores de collectiones zoologic,
viagiatores naturalista e scriptores super le zoogeographia,
collectores de fossiles e paleontogos.

Gradualmente, post le tempore de Hunter e de Cuvier, le studio anatomic se ha associate con le morphographia plus superficial. Hodie, un studio super le forma de un animal non es considerate de alcun valor si illo non include le structurar interne, histologia e embryologia in su campo de recerca.

Le ver initio del zoologia post le medievo es connectite con le anglese Edward Edward Wotton, nascite a Oxford in 1492, qui laborava como medico in London e moriva in 1555. Ille publicava un tractato titulate De differentiis animalium a Paris in 1552. In multe respectos Wotton esseva simplemente un exponente de Aristoteles, cuje doctrina (con varie additiones capriciose) constitueva le ver base del cognoscentia zoologic trans le medievo. Il esseva le merito de Wotton que ille rejiceva le creaturas legendari e phantastic, e retornava a Aristoteles e al observation del natura.

Le progresso del zoologia durante le 16te, 17me e 18ve seculos se describe le melio per comparar le conceptiones classificatori de naturalistas successive de Aristoteles con illos que se trova in le obras de Caldon. See systemas de classification zoologic.

Le zoologia post Darwin

Charles Darwin pote esser considerate de haber fundate le scientia del bionomia, e simultaaneemente de haber date nove stimulo e nove direction al morpheographia, physiologia e plasmologia, per unir los como contributorios a un doctrina biologic cummun: le doctrina del evolution organic ipse ma como parte del doctrina plus large de evolution universal basate super le leges del physica e del chimia. Le resultato immediate esseva un reconstruction del classification de animales super un base genealogic, e un investigation del disveloppamento individual de animales in relation al passos de lor gradual crescimento per le division de cellulas, con un vista a obtener evidentia de lor relationes genetic. Al altere latere, le studios que tanto occupava Darwin ipse post le publication del Origine del Species, isto es, le explication del mechanismos de animales (e de vegetabiles), coloration, habitos, etc., como avantagiose al specie o a su ancestres, es continuate solmente gradualmente. In le branca del bionomia, totevia, que concerne le leges de variation e de hereditage (thremmatology), il ha essite facite progresso considerabile. Primarimente, le studio continuate del population human ha illuminate ulteriormente alcunes del questiones involvite, durante que le progresso del recerca microscopic ha date nos un clar fundation quanto al factos structural connectite con le origine del cellula de ovo e de sperma e le processo de fertilisation.

Biologia

Gourt Home::Gourt :: Zoologia

Themas connexe

Vide alsi

Brancas del studio zoologic

Systemas de classification

Le zoologia post Darwin