Maria Montessori

Maria Montessori (31 de augusto de 1870 - 6 maio de 1952) ha essite describite como educatrice, scientista, medico, philosopha, feminista, e humanitaria.

Biographia

Illa nasceva in Chiaravalle in Italia. Montessori esseva le prime medico italian del era moderne. Como tal illa recipeva le labor de essayar educar le "idiotas" e le infantes "ineducabile" in Roma. Illa aperiva su prime schola in Roma le 6 de januario de 1907.

Le Methodo Montessori de education que illa derivava ab lor experientia esseva subsequentemente applicate con successo a omne infantes e illo es multo popular in varie partes del mundo. Malgrado le criticismo in le annos 1930 a 1940, su methodo de education ha essite ben applicate e mesmo experientiate un renascentia.

Jam per 1907 Montessori habeva establite le prime Casa dei Bambini (Casa del Infantes, in italiano), in Roma. E per 1913 jam trovava interesse intense in su methodos in Nord America, que plus tarde declinarea. (Nancy McCormick Rambusch reaviva le methodo in America con le establimento del American Montessori Society in 1960.)

Montessori esseva exiliate per Mussolini a India pro le duration del Secunde Guerra Mundial, in grande parte proque ille refusava compromitter su principios e tornar le infantes in parve soldatos. Montessori viveva le resto de su vita in le Nederlands, ubi on trova usque ora le centro del Association Montessori Internationale (A.M.I.). Illa moriva in Noordwijk aan Zee. Su filio Mario duceva le A.M.I. usque su morte in 1982.

Pedagogia

Punctos de interesse e contributiones al philosophia educational per Montessori include:

instruction de infantes in gruppos de 3 annos de etate, correspondente al periodos sensitive de lor disveloppamento (pro exemplo: 3-5, 6-9, e 9-12 annos con un programma Erdkinderplan pro adolescentes)
infantes como esseres competente, incoragiate a facer decisiones
observation del infante in su ambiente como le base pro disveloppamento del curriculo (presentation de exercisios subsequente pro le disveloppamento de habilitates e accumulation de information)
mobiliario de talia pro infantes e le creation de un ambiente pro infantes (microcosmo) in le qual cata infante pote esser competente in producer un mundo proprie functional
participation parental pro includer basic e proprie attention al hygiene como prerequisito al education
delineation de un scala de periodos o stadios de disveloppamento sensitive, le qual provide un foco pro labores instructive que son appropriate e stimulante, e que motiva al infante (includente periodos sensitive pro le disveloppamento de linguage, experimentation e refinamento sensorial, e varie nivellos de interaction social)
le importantia del "mente absorbente", le motivation sin limite del infantes pro consequer competentia sur su proprie ambiente e perfectionar su habilitates e comprendimento in cata periodo sensitive. Le phenomeno es characterisate per le capacitate del infante pro repetition de activitates inter cata categoria de periodo sensitive, (pro exemplo balbutiamento inexhaustive per babys in practicar lor apprendimento de linguage ducente al competentia in communicar se in ille lingua)
materiales didactic pro auto-correction (alcun de istes basate in le labor de Itard e Sequin)

Vide tamben:

Ligamines externe:

http://www.montessori.edu

Gourt Home::Gourt :: Maria Montessori

Biographia

Pedagogia

Vide tamben:

Ligamines externe: