Burrhus Frederic Skinner (20 de martio 1904 — 18 de augusto 1990) esseva psychologo statounitese.

Ille nasceva in Susquehanna, Pennsylvania, SUA.

Skinner esseva responsabile in grande parte del disveloppamento del philosophia del comportatmento radical e anque le technicas de comportamento in psychologia resultante in analyse del comportamento, un branca del psychologia que essaya disveloppar un theoria unificate del comportamento animal e human basate super principios de apprendimento (o education). Ille demonstrava le conditionamento operante e disveloppava iste technica in contrasto al conditionamento classic. Areas importante includeva le conditionamento del comportamento, le castigamento, reinfortiamento positive e negative, e le effecto de iste conditionamento super le comportamento futur.

Superstition in le columba

Un del experimentos plus famose e interessante de Skinner examinava le formation de superstition in un de su animales favorite pro experimentation, le columba. Skinner poneva un serie de columbas con fame in cassas attaccate a un mechanismo automatic que delivrava alimento al columba in "intervallos regular sin qualcunque referentia al comportamento del ave". Ille discoperiva que le columbas associava le delivramento de alimento a alcun actiones que illes esseva in processo de accomplir quando le alimento appareva, e que illes continuava a facer ille mesme actiones depois.

Un ave esseva conditionate a tornar in le cassa, facente duo o tres rotationes inter reinfortios. Un altere extendeva su capite repetitemente in un del angulos alte del cassa. Un tertie ave disveloppava un responsa lanceante, como si illo poneva su capite super un barra e lo levava repetitemente. Duo tertios del aves disveloppava un motion pendular del capite e le corpore, in le qual le capite esseva extendite avante e pendulava de derecta a leve con un rapide movimento sequite per un retorno plus lente. ("'Superstition' in the Pigeon", B.F. Skinner, Journal of Experimental Psychology #38, 1947 ^*)

Skinner pensava que le columbas credeva que illes influentiava le mechanismo automatic con su "rituales" e que le experimento anque illuminava le comportamento human:

Uno pote dicer que le experimento demonstra un sorta de superstition. Le ave se comporta como si il habeva un relation causal inter su comportamento e le presentation de alimento, nonobstante que tal relation non existeva. Il ha multe analogias in comportamento human. Rituales pro cambiar le fortuna e situationes o consequentias favoraile son bon exemplos. Alcun connexiones accidental inter un ritual e consequentias favorabile suffice pro stabilir e mantener le comportamento malgrado multe instantes sin reinfortios. Le jocator de "bowling" que continua a mover su corpore como si ille poteva influentiar le curso del "bowling-ball" es un altere exemplo.

Iste comportamentos obviemente non ha qualcunque effecto in le fortuna o in le curso de un "bowling-ball", como in le caso del columbas le alimento ancora apparerea mesmo si le columba non faceva qualque cosa — o melio "faceva alco differente" — le resultatos esserea le mesme.

Vide tamben:

• Supernaturalization

Skinner es popularmente ben cognoscite per su libros: Walden Two e Beyond Freedom and Dignity (Ultra le libertate e le dignitate).

• Walden Two describe un visita a un utopia communal in le annos 1950 in le Statos Unite, ubi le productivitate e le felicitate del citatanos es plu avantiate que illo del mundo exterior a causa de lor practica de un plano social scientific e le conditionamento operante del infantes.
• Beyond Freedom and Dignity (Ultra le libertate e le dignitate) avantia le these que le conceptos social obsolete, como le "libertate" e "dignitate", menacia le superviventia del specie human e ancora advoca le conditionamento operante de esseres human pro assecurar lor productivitate e felicitate.

Skinner scribeva multe libros. Ecce alcun del titulos:

• About Behaviorism
• A Program for Self Instruction by James G. Holland & B. F. Skinner
• An Experimental Analysis
• Beyond Freedom and Dignity
• A Theoretical Analysis
• A Selection of Papers (Iste libro include le authentic experimento del multo mentionate filia-in-un-cassa).
• Enjoy Old Age
• Part Three of an Autobiography
• Notebooks (book) by B. F. Skinner & Robert Epstein (Ed.)
• Part One of an Autobiography
• Recent Issues in the Analysis of Behavior
• Reflections on Behaviorism and Society
• Schedules of Reinforcement by C. B. Ferster & B. F. Skinner
• Science and Human Behavior
• Part Two of an Autobiography
• Skinner for the Classroom by R. Epstein (Ed.) & B. F. Skinner
• The Technology of Teaching
• Upon Further Reflection
• Verbal Behavior
• Walden Two

Ligamines externe

---

• The B. F. Skinner Foundation
• "'Superstition' in the Pigeon", B.F. Skinner
• "Are Theories of Learning Necessary?": B.F. Skinner

Burrhus Frederic Skinner | Burrhus F. Skinner | Burrhus Frederic Skinner | Burrhus Frederic Skinner | Burrhus Frederic Skinner | Burrhus Frederic Skinner | Скиннер, Беррес Фредерик | Burrhus Frederic Skinner | Burrhus Frederic Skinner | Burrhus Frederic Skinner | פרדריק סקינר | Burrhus Frederic Skinner | バラス・スキナー | Burrhus Skinner | B.F. Skinner | Burrhus Frederic Skinner | Burrhus Frederic Skinner | Burrhus Frederic Skinner | 伯尔赫斯·弗雷德里克·斯金纳