Valga

Related Topics:
Valgamaa :: Valganciclovir :: Valgardson,_W._D.

Concello da Provincia de Pontevedra en Galicia. Pertence á Comarca de Caldas.

Poboación en 2003: 6.174 persoas segundo o Padrón municipal de habitantes.

Xentilicio (véxase no Galizionario) :

Localización

Valga atópase na beira esquerda do curso baixo do río Ulla; está cruzado pola autoestrada AP9, o camiño de ferro da Coruña a Vigo, a N-550 da Coruña a Pontevedra e a C-550 de Fisterra a Tui.

A parte norte ocúpaa o amplo val do Ulla, ao que verten os ríos Louro e Valga, que transcorren paralelos parte do seu percorrido. Cara o sul hai dous montes, o Monte Xiabre (cos 372 m. do Monte Fontebecha) e o Monte Xesteiras (cos 352 m. do Monte Lomba, os 365 m. do Monte da Salgueira e os 221 m. do Monte do Gorgullón). As vías de comunicación circulan na depresión entre estas dúas unidades.

As temperaturas son suaves, cunha media de 13°C. Chove bastante, até chegar aos 1.700 mm. anuais.

Historia

Durante a Idade Media o territorio era señorío do arcebispo de Santiago de Compostela e dividíase entre Cordeiro e Padrón. Durante a Guerra de Independencia Española tivo lugar unha batalla en Casal do Eirixo (27 de abril de 1809), na que os voluntarios do lugar, dirixidos por Pablo Morillo e polo cura Concha fixeron retroceder até Cesures ás tropas de Ney e Maucunne. Parece que con tal ocasión foi construída a ermida de Nosa Señora da Saúde.

En 1926 a parroquia de Pontecesures segregouse para constituir un concello propio.

Monumentos e turismo

No concello de Valga atópase unha das mellores estacións rupestres, o Petroglifo de Camporredondo. Tamén hai varios castros: A Roda do Castro e O Castro en Setecoros e O Castro en Cordeiro. A capela de Os Martores de Valga data do século V ou mesmo antes, ainda que foi ampliada no XVII. A igrexa de Santa María de xanza é románica.

Dada a orografía do territorio, abundan os miradoiros, como o de Chan do Monte en Setecoros, o de Camporredondo mencionado e o Miradoiro do monte Xesteiras.

Lugares de Valga

Para unha lista completa de todos os lugares do concello de Valga vexa: Lugares de Valga.

Parroquias

Véxase tamén