Ludwig van Beethoven

Célebre compositor alemán, naceu en Bonn en 1770 e finou en Viena en 1827. Foi autor de multitude de obras entre as que destacan as nove sinfonías. A máis coñecida destas é a novena, tamén chamada Coral e que finaliza co coro do Himno á alegría, inspirado no escritor alemán Schiller.

De neno medrou á sombra de Mozart, e o seu pai, músico tamén, foi quen puxo o empeño en que fose mellor ca Mozart.

A súa obra entronca o clasicismo de Bach co romanticismo decimonónico.

As outras obras súas máis famosas son: Para Elisa, exquisita composición breve para piano orixinalmente titulada Para Teresa mais trocada nun erro de transcrición debido á súa mala caligrafía; A Terceira Sinfonía, adicada inicialmente a Napoleón Bonaparte, ata que rachou a súa adicatoria cando este se coroou Emperador, e A Quinta Sinfonía, cos tres acordes máis famosos da historia.

A obra de Beethoven é moito máis curta que a de Mozart, por exemplo. Nembargantes, isto non impide que sexa considerado un xigante da composición.

Na análise dun cabelo seu, atopouse unha grande cantidade de chumbo, posiblemente debido a inxerir líquidos almacenados en garrafas feitas con este material, o que puido ser causante non só do seu lexendario mal carácter, senón tamén provocar a crecente perda auditiva que rematou por deixalo completamente xordo. Dise que na representación da novena un dos seus poucos amigos tivo que facer que xirase para ver como o público o aplaudía, xa que el estaba convencido de que fracasara ó non poder escoitar a ovación do público.

Personalidades da música | Música

Gourt Home::Gourt :: Ludwig van Beethoven