Feng Shui (en chinés: 風水, fong shuei e "auga"). A orixe desta antiga arte sitúase na filosofía dos sabios taoístas chineses que, co transcurso dos anos, se foi enriquecendo coa Literatura e a Poesía. Como resultado temos unha ciencia-arte que nos ensina, entre outras moitas cousas, como distribuír os mobles nunha habitación ou similar, para crear correntes positivas de enerxía (Chi) e harmonizar o ambiente, ou como acomodar os obxectos decorativos dacordo cunha serie de regras milenarias que persiguen lograr o benestar psicofísico dos habitantes da casa. O obxectivo é conseguir un fluxo adecuado do Chi que, segundo se cre, é dispersado polo vento e retido pola auga.

Os antigos recolleron a súa sabiduría no I ching. Este profundo oráculo describía a natureza de tódalas cousas a través de 64 hexagramas de liñas interrompidas e rectas, que constitúen a base de tódolos estudos tradicionais (incluído o propio Feng Shui).

O postulado fundamental desta arte é a existencia dunha enerxía universal (corrente Chi que flúe dentro dos ambientes por medio do aire). A tarefa propia do Feng Shui é a de estudar o modo en que a dita enerxía se move a través de tódolos espazos dun fogar ou ámbito de traballo.

Segundo o Feng Shui, a casa dunha persoa reflicte quen é. A distribución e orde dos mobles afecta ao fluír da enerxía invisible, o que xenera cambios na saúde e benestar físico, nas relacións con outras persoas ou no status económico.

Os practicantes de Feng Shui cren que en Occidente - e cada vez máis tamén en Oriente - o modo de vida rápido e a mala alimentación están desvinculando pouco a pouco ás persoas do seu contorno, facendo que vivan en edificios "enfermos" que non poden "respirar" e que producen unha disminución da enerxía vital dos ocupantes.

O practicante de Feng Shui elabora un plano da vivenda, chamado bagua, que mostra como a enerxía invisible se movería a través de portas e fiestras. O bagua consta dunha plantilla dividida en nove zonas: auga, terra, trono, vento, tai chi, ceo, lago, montaña e lume. Cada zona representa un aspecto da vida dos ocupantes da vivenda. Así, por exemplo, a terra son as relacións, o trono os antepasados, etc. No entorno Feng-Shui, o tai chi representa a saúde e sitúase no centro da casa.

Outro mapa tamén empregado polo practicante de Feng Shui é o que representa a planta da vivenda. Dentro debúxase un esquema da persoa deitada, coa cabeza tocando a porta de entrada e os membros distribuíndose nas habitacións e nos recantos. Cando a persoa ten unha afección nalgunha parte do seu organismo, este mapa axuda a situar a zona da casa que se corresponde co órgano enfermo. Tal zona deberá entón ser reorganizada dacordo con certas pautas ditadas polo Feng Shui. Así, será preciso adecuar os mobles e obxectos e eliminar os residuos e elementos perturbadores ou bloqueantes de enerxía. En lugar deles, colocaránse obxectos "auspiciosos" que axudarán a sandar a zona enferma.

Os practicantes de Feng Sui afirman que se unha persoa é feliz, debe deixar a casa tal e como está; mais, se non o é, debe informarse a través de libros ou especialistas de como mellorar o seu contorno para que se produzan así cambios positivos na súa vida.

Curiosidades

• Na edición de Hong Kong do xogo de mesa do Monopoly, "Sorte" chámase tamén "Feng Shui".

• Feng Shui é tamén o nome dun famoso xogo de rol inspirado nas películas de acción de Hong Kong, publicado inicialmente por Daedalus Publishing e agora dispoñible en Atlas Games.

• Feng Shui é ademais unha película de terror do 2004 rodada en Filipinas e protagonizada por Kris Aquino. Trata dun antigo espello bagua que lle dá sorte e prosperidade ao seu dono (Kris Aquino), pero trae a morte aos que están preto del.

Ligazóns externas

• Mastery Academy of Chinese Metaphysics, en inglés
• Dragon Gate Palace, en inglés
• Chinese Numbers, en inglés
• Fortune Space NZ, en inglés
• Feng Shui at Enchanted Spirit, en inglés
• Feng Shui Chinese, en inglés
• Fengshui Gate (Dr. Stephen Field), en inglés
• Feng Shui no Diccionario do escéptico (en:Skeptic's Dictionary), por Robert Todd Carroll, PhD, en inglés
• Feng Shui Discussion , en inglés
• Feng Shui to Attract Love (Article), en inglés
• Feng Shui to Attract Money (Article), en inglés
• Fish Tank for Feng Shui, en inglés
• Online Courses in Feng Shui, en inglés

China | Arquitectura

Feng Shui | Feng Shui | Fengŝuo | Feng Shui | Feng shui | Feng shui | פנג שווי | Feng shui | 風水 | Feng Shui | Feng Shui | Feng shui | Feng Shui | Feng Shui | Фэншуй | Feng shui | Фенг Шуи | Fengshui | பெங் சுயி | ฮวงจุ้ย | Phong thủy | 風水