Denomínase Constitución á norma fundamental, básica, dun Estado, escrita ou non, que regule o rexime de dereitos e liberdades fundamentais dos cidadáns, e os poderes (a forma de partición dos poderes, en xeral en tres: Executivo, Lexislativo e Xudicial) e institucións da organización política. Considérase a Constitución a lei básica, pois todas as outras leis do país deben estar de acordo cos principios expresados na Consitución.

Clasificación das constitucións

Constitucións Escritas X Constitucións Non Escritas

Cando se fala de constitución non escrita nun país, isto non quer dicir que non existan naquel país leis cuxo contido sexa materia constitucional (ou sexa, dereitos e liberdades dos cidadáns, e distribución dos poderes e insitucións do Estado), mas si que estas leis nn están corporificadas nun único texto, que se elaborara dunha soa vez. O exemplo máis citado de constitución non escrita é a Constitución Inglesa, que se pode considerar composta pola suma de leis como a Magna Carta de 1215 e outras leis posteriores que dan forma ó conxunto de dereitos e garantías fundamentais dos cidadáns ingleses, e definen (outras destas leis) a estrutura dos poderes no Reino Unido. Xa as constitucións da maioría dos países (exemplos: España, Francia, Estados Unidos, Portugal, India, Romanía, Brasil, etc.) están expresas nun único texto.

Constitucións Ríxidas X Constitucións Flexíveis

• Constitución Ríxida é a que necesita, para ser mudada, dun rito lexislativo especial, diferente dunha lei común. Isto non significa dicir que non sexa posíbel mudala, mas si que é mais traballoso modificar o texto constitucional do que os outros textos legais do país. Pode ser necesario máis dunha votación, ou unha cantidade de votos de representantes do pobo (deputados, senadores) máis grande que o das leis comúns, etc, conforme o que determinar, para tanto, o propio texto da constitución.
• Constitución Flexíbel é a que non necesita, para ser mudada, de rito diferenciado en relación ao das outras leis do país. É dicir que a constitución, ou os textos componentes da consitución, son leis comúns.

Constitucións Sintéticas X Constitucións Detallistas

Hai textos de constitucións que conteñen poucos artigos, restrinxíndose a enumerar os dereitos e garantias básicos dos cidadáns e a forma de organización do Estado e dos poderes. Un exemplo é a constitución dos Estados Unidos. Más hai tamén constitucións que detallan outros aspectos, por exemplo, no campo do Dereito Civil (como o dereito de familia), Tributario (impostos que existirán no país), Dereito do Traballo (xornada de traballo, dereito de asociación en sindicatos, etc), tornando así o texto constitucional máis extenso. Un exemplo desa última é a constitución do Brasil.

Ver tamén

• Constitución española
• Constitución civil do clero
• Trienio Constitucional

Dereito

دستور | Конституция | সংবিধান | Constitució | Ústava | Forfatning | Verfassung | Σύνταγμα | Constitution | Konstitucio | Constitución | Põhiseadus | قانون اساسی | Perustuslaki | Constitution | חוקה | Ustav | Alkotmány | Konstitusi | Stjórnarskrá | Costituzione | 憲法 | კონსტიტუცია | 헌법 | Grondwet | Konstitucija | Konstitūcija | Устав | Perlembagaan | Grondwet | Grunnlov | Konstitusjon | Constitution | Konstytucja | Constituição | Constituţie | Конституция | Constitution | Ústava | Ustava | Устав | Grundlag | Katiba | รัฐธรรมนูญ | Saligang batas | Anayasa | Конституція | 宪法 | Hiàn-hoat