An Ghearmáin

Tír mór i lár na hEorpa í Poblacht Chomhnasctha na Gearmáine le daonra thart ar 82 milliún. Is ball ar an Aontas Eorpach í. Tá teorainn aici leis an Ísiltír, leis an mBeilg, le Lucsamburg, leis an bhFrainc, leis an Ostair, leis an bPoblacht Seiceach, leis an bPolainn agus leis an Eilvéis. Is í Beirlín an príomhchathair. Tá 3.4 milliún daoine ina gcónaí sa phríomhchathair.

Stair

Tar éis ré na Naitsithe agus an Dara Cogadh Domhanda, roinneadh an tír i gceithre rann le riarú ag cumhachtaí na gComhghuallaithe. Cuireadh na roinn a bhí faoin bhFrainc, faoin mBreatain, agus faoi Stáit Aontaithe Mheiriceá le chéile chun Poblacht Chomhnasctha na Gearmáine a cheapadh, ach d´fhan an roinn a bhí faoin Aontas Sóibhéadach ina tír cumannach, faoi chumhacht na Rúise, go dtí gur thit an chumannachas sa Rúis agus ar fud na hEorpa. Leagadh Balla Bheirlín ("die Wende" as Gearmáinis) agus an teorainn idir an roinn a bhí sa Ghearmáin, agus aontaíodh an tír go hoifigiúil i 1990. Aistríodh príomhchathair na tír ó Bhonn go dtí sean-phríomhchathair na Gearmáine, Beirlín. Nuair a cuireadh an 17 milliún a bhí i bPoblacht Dhaonlathach na Gearmáine, mar a tugtaí ar ar gcuid thoir den tír a bhí faoin gcumannachas, leis an 63 milliún a bhí i bPoblacht Chomhnasctha na Gearmáine, mar a tugtaí ar iarthar na Gearmáine, bhí Ghearmáin níos mó agus níos cumhachtaí arís san Eoraip, rud a chur scanradh ar chuid mhaith dá comharsain a d´fhulaing i ré na Naitsithe agus sa Dara Chogadh Domhanda.

Bhí Iarthar na Gearmáine cheana féin san Aontas Eorpach, tar éis di bheith cheana féin sa Chómhargadh Eorpach ó na 1960í, agus chuaigh an daonra a bhí in oirthear na tíre isteach san Aontas sin. Ach bhí difríochtaí móra idir dhá chuid na tíre le sárú. Tháinig méadú mór ar chostasaí an stáit agus é ag iarraidh forbairt a dhéanamh ar an oirthear. Bhí dífhostaíocht an-ard san oirthear, rud a leanann go dtí an lá inniu, agus tá ar rialtas na Gearmáine laghdaithe móra a dhéanamh ar a costasaí sóisialta, m.sh., fiú go mbaineann an Seansailéar, Gerhard Schröder, leis an SPD, an príomhpháirtí ar an eite chlé ó 1945 ar aghaidh. I 2005 bhuaigh Angela Merkel ón CDU ólltógchán agus chuaigh siad isteach rialtas leis an CSU agus leis an SPD.

Eacnamaíocht

Úsáidtear an t-eoró. Tá an tríú geilleagar is mó ar an domhain ag an nGearmáin. Is í an earnáil seirbhíse earnáil an gheilleagair is mó.

Stáit

Tá 16 stáit nó Bundesländer (uatha: Bundesländ) san Ghearmáin.

Baden-Württemberg
Bavaria (Bayern)
Beirlín (cathairstát)
Brandenburg
Bremen (cathairstát)
Hamburg (cathairstát)
Hesse (Hessen)
Mecklenburg-Vorpommern
Saxony Íochtarach (Niedersachsen)
Rhine-Westphalia Thuaidh (Nordrhein-Westfalen)
Rhineland-Palatinate (Rheinland-Pfalz)
Saarland
Saxony (Sachsen)
Saxony-Anhalt (Sachsen-Anhalt)
Schleswig-Holstein
Thuringia (Thüringen)

Tíortha | An Ghearmáin

Gourt Home::Gourt :: An Ghearmáin

Stair

Eacnamaíocht

Stáit