Kollumerlân

Kollumerlân (Kollumerland c.a.) is een gemeente in it noardeasten fan Fryslân, mei 13.128 ynwenners (1 jannewaris 2004) en in gebiet fan 116,35 km², wêrfan 6,40 km² wetter.

Gebiet

It Dokkumer Djip en it Alddjip foarmje yn it noardwesten de grins mei Dongeradiel. Yn it westen foarmje de Terpwei, de Petsleat en de Langwaerster Wei, en sa fierder tusken De Westerein en Sweagerbosk troch de grins mei Dantumadiel.Yn it suden foarmje de Swadde, de Swaddesleat, de Hessewei en de Lauwers de grins mei Achtkarspelen. En yn it easten en noardeasten foarmje de Alde Lauwers, it Muntsjesylster Ryd, it noardlik part fan de Stêdswei en sa fierder nei de Sâltkamper Ril de grins mei Grinslân.

Skiednis

Oant en mei de 14e ieu wie Kollumerlân in part fan Dantumadiel. Dêrnei wurde der twa nije gritenijen neamt: Eastbroeksterlân, eastlik fan Dantumadiel, en Kollumerlân, om Kollum hinne. Yn 1443 slúte beide gritenijen in ferbûn mei Grins. Wylst Grins hjir it bewâld hie makken de Fetkeapers út de beide gritenijen it de Skieringers lêstich.

Yn 1497 naam Albrecht fan Saksen it bewâld yn Fryslân oer, en ferbruts de ferbining mei Grins. Mar yn 1515 keas Kollumerlân foar Gelre, en bleau oant 1523 Geldersk.

Yn die tiid waard der allinnich noch sprutsen fan "Kollumerlân", mar doe't begûn waard mei it bedykjen fan it Kruislân waard dat, oant 1578 as in selstannige gritenij bestjoerd.

By it ôfdamjen fan de Lauwerssee krige Kollumerlân der yn ien kear in grutte lape lân by yn de foarm fan de platen dy't oan de súdkust fan de see lein hienen.

Plakken

It haadplak fan de gemeente is de flekke Kollum. De oare plakken yn de gemeente binne: Aldwâld, Boerum, Feankleaster, Kollumerpomp, Kollumersweach, Lytsewâld, Muntsjesyl, De Trieme, Warfstermûne, Westergeast en Sweagerbosk.

Untwikkeling ynwennertal

2004 - 13.128
2003 - 13.363
1973 - 11.341
1969 - 10.358
1964 - 10.122
1959 - 10.021
1958 - 10.020
1954 - 10.433
1939 - 9.530
1840 - grut 6.000
1811 - 4.242
1744 - 3.304

Sjoch ek

Keppeling om útens

Webstee fan de gemeente