Grins is de haadstêd fan de provinsje Grinslân en ek it haadplak fan de gemeente Grins. De sted is fierwei de grutste stêd fan it noarden fan Nederlân mei sa'n 180.487 ynwenners (2005). Grins is foaral in studintestêd, mei de Ryksuniversiteit Grins (RUG) en de Hânzehegeskoalle Grins. Tegearre hawwe dizze twa ynstituten mear as 40.000 studinten.

Skiednis

---

Grins is ûntstien op de noardlikste útrinner fan de Hûnsrich. It doarp waard in belangryk hânnelsplak en yn de 13e ieu waard der in wal om it plak lein en waard it lid fan de Hânze.

Yn 1614 krige Grins syn universiteit. Letter yn de 17e ieu waard in nije omwalling oanlein, ûntworpen troch festingbouwer Menno fan Coehoorn. Yn it rampjier 1672 waard Grins in skoft belegere troch de biskop fan Münster, Bernard von Galen. Elts jier op 28 augustus fiert de stêd de oerwinning op Bommen Berend.

Hannel en yndustry

---

De stêd is in belangryk hannelsplak bleaun en hat derneist ek in grutte fiedingsmiddelsyndustry (sûker, tabak, kofje). Mei twa sûkerfabryken is Grins de grutste sûkerstêd fan Europa.

Groningen | Groningen | Groningen | Γκρόνινγκεν | Groningen (city) | Groningen (urbo) | Groninga (ciudad) | Groningen | Groningue (ville) | Groningen | Groninga | フローニンゲン市 | Groninga (urbs) | Greuninge (stad) | Grunneng | Grunnen (stad) | Groningen (stad) | Groningen | Groninga (cidade) | Groningen (oraş) | Groningen (stad)