La finance e je che part dai studis di economie che e viôt il mût in cui lis impresis, i oms ugnui o i stâts a metin adun, a dan fûr e a doprin lis risorsis finanziariis.

Ogni entitât economiche e à un insiemit di ativitâts e di passivitâts che però podaran vê la lôr manifestazion numeriche plui indenant. La finance e à di ministrâ lis jentradis e lis jessudis di monede, ven a stâi il moment in cui si varà la manifestazion numeriche.

Un disecuilibri passîf des financis al fâs si che si vedi di indebitâsi par vê i bêçs par podè fâ i paiaments e i debits a àn un cost di interès.

Un disecuilibri atîf al fas nassi il probleme di studiâ cemût impleâ in mût convenient i bêçs che si àn in plui. Si varà di sielzi une alternative tignint cont sei dal vuadagn pussibil sei dal risi che si larà incuintri.

Cun la peraule finance si intindin variis robis, par esempli:

• La finance personâl, ven a stâi l'insiemit e la gjestion dai debits e dai credits des personis ugnulis.
• La finance aziendâl, ven a stâi cemût che lis impresis a metin adun e a doprin lis risorsis finanziaris.
• La finance publiche oben la sience des financis, che e studie il mût in cui il stât al à di procurâsi e di doprà i bêçs.

Un altri cjamp di studi de finance al è il marcjât finanziari dulà che un al pues investî i bêçs che al à in plui cjapant un interès, cun i soi bêçs il sisteme al finanziarà lis ativitâts economichis.

Economie

Фінансы | Finanzierung | Χρηματοοικονομικά | Finance | Finanzas | Rahoitus | Finance | Pénzügy | Keuangan | Finanza | 金融 | Financiën | Finanse | Finanças | Финансы | Finanza | Finansväsen | การเงิน | Finans | 金融学