Il CAP (scurte par Codice di avviamento postale, par furlan codiç di inviament postâl) al è doprât in Italie par rindi plui facilis capî il lûc di destinazion da lis spedizions fatis vie pueste; al fo creât tal 1967.

Struture

---

Il CAP al è formât di cinc numars; la regole gjenerâl e je che lis primis dôs a son par la provincie, ma nol vâl pes provinciis creadis daspò de istituzion dal CAP, parcè che in chê volte lis provinciis a jerin juste 100 partint di Rome (00), par cui a podevin jessi cuviertis cun doi numars. Par lis gnovis provinciis, il codiç al è chel de provincie di origjin, cun daûr 170; chest mût al jere provisori, ma al reste ancjemò al dì di vuê; cun di plui, i comuns de provincie a mantegnin il CAP di origjin e no son distinguibii dai comuns de provincie iniziâl.

Par lis provinciis creadis dal 1997 in ca, la regule e cambie un pôc: la atribuzion e je univoche cun lis agjenziis di recapit: i prins doi numars no indichin plui dome une provincie, e par capî se al è un cjâf lûc si scugne cjalâ se il tierç numar al è dispar (--1-- par lis gnovis provinciis, si partìs dal --9-- par lis gnovis provinciis); lis altris localitâts de provincie a àn un numar pari (chel prime dal numar dal cjâf lûc, par cui --0-- par lis vecjis provinciis, e a partî di --8-- par chês gnovis).

In gjenar, un stes CAP al pues jessi leât a plui comuns, ancje no confinants. Lis citâts plui grandis a puedin vê plui CAPs (par esempli Bologne), che a metin dongje cuartîrs, circoscrizions, e vie indevant; chest al pues capitâ ancje par frazions di comuns no cussì grancj. Par i cjâf lûcs di provincie cun plui CAPs al esist ancje un gjeneric, bon par dutis lis zonis, ch'al finìs cun "00" (par cui il CAP gjeneric di Rome al è 00100, par Milan 20100); chest al ven doprât par riferîsi ai ufizis postâi centrâi o par lis spedizions destinadis a grandis utencis.

Codiçs simii a esistin ancje in altris paîs; tai Stâts Unîts, par dî, l'ecuivalent al è il zip code.

Cjâf lûcs dal Friûl

---

In Friûl si cjatin diviersis ecezions a la regule gjenerâl. Gurize no à mai vût un codiç unic di dôs cifris, ma dal inizi dopre chel di Triest (34---); par cui a lis localitâts de Provincie di Gurize si doprin i codiçs di 3407x a 3409x, par chês de Provincie di Triest chei di 3401x a 3406x. Tal câs di Pordenon, il codiç al ricuarde chê de provincie origjinâl (Udin), e ducj i comuns de provincie di Pordenon a doprin codiçs cul stes model di chei de provincie di Udin.

• Gurize: 34170
• Pordenon: 33170
• Udin: 33100

Leams esternis

---

• Ricercje dal CAP sul sît des Puestis talianis
• Ricercje dal CAP sul sît NonSoloCap
• Ducj i CAPs dai comuns talians

Acronims | Puestis

Postleitzahl | Códigu postal | Паштовы індэкс | Пощенски код | Codi postal | Poštovní směrovací číslo | Postnummer | Postleitzahl | Ταχυδρομικός κώδικας | Postal code | Poŝtkodo | Código postal | Code postal | Postkoade | Irányítószám | Kode pos | Póstnúmer | CAP | 郵便番号 | Postcode | Postnummer | Postnummer | Kod pocztowy | Código postal | Cod poştal | Почтовый индекс | CAP | Poštové smerovacie číslo | Postnummer | Posta kodu | Поштовий індекс | Limero del posse | 邮政编码