La vorto prefekto devenas de la latina præfectus ("tiu, kiu estas fronte"). Ekde tiam, ekzistis kaj ankoraŭ ekzistas prefektoj en pluraj landoj, ofte kun tre malsamaj potencoj aŭ taskoj.

Romia imperio

---

Dum la Romia imperio, prefektoj estis delegitaj oficistoj kiuj estis senditaj de la roma ŝtato al variaj lokoj (Romo, Egiptio) aŭ kiuj havis specialajn taskojn (administrado de la ŝiparo, de la legioj, de la financa servo...).

Francio

---

Kreita en 1800, la franca prefekto (franclingve préfet) estas oficisto, kiu reprezentas la ŝtatajn interesojn ĉe ĉiu departemento. Li devas precipe kontroli la laŭleĝecon de la decidoj de la lokalaj instancoj (Ĝenerala Konsilio, municipaj konsilioj). Plie, li disponas polican potencon por garantii ordon kaj sekurecon en la departemento.

Li estas helpita de la regiona prefekto ĉe la regiono enhavanta la departementon, kaj de subprefektoj ĉe ĉiu arondismento de la departemento.

La urbo kie loĝas la prefekto estas la prefektejo (aŭ ĉefurbo) de la departemento.

Kebeko

---

En Kebeko, la prefekto estas balotita persono, kiu estras municipalité régionale de comté (aŭ "regionan graflandan komunumo").

Svislando

---

• En la kantono de Berno, la prefekto reprezentas la kantonan registaron (aŭ Ekzekutivan-Konsilion, Conseil exécutif) en la arondismento. Li havas vastajn administrajn potencojn, precipe pri la leĝa kontrolo de la decidoj de la komunumoj.
• En la kantono de Vaud, la prefekto estas nomumita de la svisa Ŝtata Konsilio (Conseil d'État) : li reprezentas la kantonan registaron en la distrikto.

Politiko | Politiko de Francio

Префект | Präfekt | Prefect | Prefecto | Prefekt (Vana-Rooma) | Prefekti | Préfet | Prefekt | Prefekt (Harry Potter) | Префект (Древний Рим) | Prefekt