Gourt Home::Gourt :: Konsilio de Reciproka Ekonomia Helpo
Konsilio de Reciproka Ekonomia Helpo (KREH) estis organizaĵo por ekonomia kunagado de socialismaj landoj. Ĝi estis fondita en jaro 1949 (responde al Marŝal-plano) kaj malfondita en jaro 1991. Ĝia sidejo estis en Moskvo.
Historio
Komence ĝi apenaŭ funkciis pro la aŭtarkia ekonomia politiko de la membroŝtatoj. Post morto de Stalin komenciĝis la kunorganizado de la ŝtataj ekonomiaj planoj. Oni dividis la laborojn, evoluojn kaj elformis grandseriajn produktadojn (ekde 1971 kiel Kompleksa Programo). Ĉar Rumanio kaj Bulgario restis plu aŭtarkia lando, ili ne plu kunlaboris kun la KREH.
La Konsilio agadis plej aktive ekde fine de la 1960-aj jaroj ĝis komenco de la 1980-aj. La organizaĵo konstrukciis normojn por siaj anaj landoj.
Oni kalkulis la prezojn por krudmaterialoj laŭ prezoj de la lastaj 3-5 jaroj. Tiel la eksplodo de la naftoprezoj (1973) atingis la landojn nur pli poste. Ĉar la Sovetunio certigis la krudmaterialojn por la landoj malaltpreze kaj grandkvante, la teknika evoluo postrestis, ne okazis strukturaj reformoj en la industrio, kio kaŭzi nekonkurkapablon de tiuj landoj.
Komunaj planoj
Oni establis komunajn investojn kiel:
- Naftodukto Amikeco
- Orenburga tergasa ekspluato
Multaj komunaj planaj kaj organizaj asocioj.
Membroj de la organizaĵo:
- Sovetunio
- Pollando
- Ĉeĥoslovakio
- Hungario
- Rumanio (ekde la 1960-aj jaroj nur parte partoprenis)
- Bulgario
- Albanio ekde 1949 ĝis 1964
- Germana Demokratia Respubliko ekde 1950
- Mongolio ekde 1960
- Norda Koreio ekde 1970
- Kubo ekde 1970
- Vjetnamio ekde 1978
Nomoj de la organizaĵo en lingvoj de ĝiaj membroj estas:
- en Bulgara lingvo Съвет за Икономическа Взаимопомощ, СИВ
- en Ĉeĥa lingvo Rada vzájemné hospodářské pomoci, RVHP
- en Germana lingvo Rat für gegenseitige Wirtschaftshilfe, RGW
- en Hungara lingvo Kölcsönös Gazdasági Segítség Tanácsa, KGST
- en Pola lingvo Rada Wzajemnej Pomocy Gospodarczej, RWPG
- en Rumana lingvo Consiliul de Ajutor Economic Reciproc, CAER
- en Rusa lingvo Совет Экономической Взаимопомощи, СЭВ
- en Slovaka lingvo Rada vzájomnej hospodárskej pomoci, RVHP
- en Hispana lingvo Consejo de Ayuda Mutua Económica, CAME
- en Vjetnama lingvo Hội đồng Tương trợ kinh tế, HĐTTKT
Ekonomio | Internacia organizaĵo
Съвет за икономическа взаимопомощ | Consell d'Assistència Econòmica Mútua | Rada vzájemné hospodářské pomoci | Rat für gegenseitige Wirtschaftshilfe | Comecon | Consejo de Ayuda Mutua Económica | کمه کون | SEV | Conseil d'assistance économique mutuelle | קומקון | 経済相互援助会議 | Comecon | COMECON | Rada Wzajemnej Pomocy Gospodarczej | Comecon | CAER | Совет экономической взаимопомощи | Rada vzájomnej hospodárskej pomoci | Sovjet ekonomitjeskoj vzaimopomosjtj | Рада Економічної Взаємодопомоги | Hội đồng Tương trợ Kinh tế | 经济互助委员会
"Konsilio de Reciproka Ekonomia Helpo"