Frankfurto ĉe Majno

Frankfurt am Main am Majn (esperantlingve Frankfurto ĉe Majno) estas la plej granda urbo en Hesio kaj la kvina plej granda urbo en Germanio. Ĝi havas universitaton, diversajn altlernejojn, muzeojn kaj bibliotekojn kaj estas fama financmetropolo kun multaj bankoj, interalie la Eŭropa Centra Banko. Ĉi tie troviĝas unu el la plej grandaj flughavenoj de Eŭropo.

En la urbo estis naskita la fama germana poeto Johann Wolfgang von Goethe. Frankfurto havas longan historion kiel bazarejo por libroj. Ankoraŭ hodiaŭ okazadas ĉi tie unu el la plej gravaj librofoiroj. Multaj konataj eldonejoj havas ĉi tie sian sidejon.

Retpaĝo de la Esperanto-Societo Frankfurto: http://www.esperanto-frankfurt.de
Unuaj aktivaĵoj de la societo okazis en la jaro 1904.

En la kvartalo Sachsenhausen troviĝas tri stratoj, kies nomoj rilatas al Esperanto: Esperantostr., Ludwig-Zamenhof-Weg kaj Carl-Barthel-Weg.

Vidindaĵoj

ĉirkaŭ la centra placo "Römerberg":

domgrupo "Römer" kun urbodomo kaj Imperiestra Salono (eksa kronadejo de germanaj imperiestroj)
vico da trabfakaj domoj, novkonstruitaj en stilo tre multe trovebla ĝis la Dua Mondmilito
domo "Wertheim", unu el tre malmultaj trabfakaj domoj en la urbocentro kiu restis post la milito
Paŭlo-preĝejo (foto dekstre), germana parlamentejo dum la jaroj 1848/49, nun muzeo kaj solenaĵejo Paulskirchefrankfurt.jpg
Bartolomeo-preĝejo, populare nomata "Dom" (katedralo)
Nikolao-preĝejo
elfositaj romiaj kaj mezepokaj muroj
muzeoj: pri urba historio, pri ludiloj, Schirn (arta ekspozicio) k. a.

cetera urbocentro:

malnova operejo (nun uzata ĉefe kiel koncertejo)
malnova juda tombejo (nur rigardebla de ekstere aŭ kun gvidanto)
preĝejoj: Leonhardt, Katharinen, Liebfrauen
muzeoj: pri judoj, pri prahistorio, pri Goethe, pri moderna arto
superrigardoj: senkoste de Zeilgalerie; pli alta, sed pagenda de Maintower

Je la alia flanko de Majno troviĝas la kvartalo Sachsenhausen, kies malnova parto estas fama pro siaj trinkejoj. Tie troviĝas multe pli da malnovaj faktrabaj domoj (sed ankoraŭ pli multaj kaj pli pitoreske en kvartalo Höchst, plej ofte nur konata pro siaj kemiaj fabrikoj). Ĉe la Sachsenhausen-a bordo estas multaj muzeoj, ekz. pri arkitekturo, pri filmoj kaj la fama arta ekspozicio "Städel".

Plie:

ĉina ĝardeno (tuj ekster la centro)
Palmo-ĝardeno (kun vitraj domoj, pagenda)
naturhistoria muzeo Senckenberg (fama pro dinosaŭro-skeletoj)
mono-muzeo de la ĝermana ŝtata banko (senkosta)
pliaj vidindaĵoj en Höchst, ekz. la palaco de industriisto Bolongaro
rondveturo per historia tramo "Ebbelwei-Express"

frankfurt-main-skyline.jpg

Esperanto en Frankfurto ĉ. M.

Tie propagandis Karl Wallon en frua 20-a jarcento.

Publika transporto

RMV-Ffm.png La publikan transporton de suda Hesio kunordigas Rhein-Main-Verkehrsverbund (RMV). Vidu tie por biletaj informoj.

Longdistancaj kaj regionaj trajnoj: Frankfurto havas grandan kapostacion okcidente de la centro. Sub resp. apud la ĉefa flughavena halo ekzistas du fervojstacioj: La unua, pli malnova, estas nun uzata de regionaj kaj lokaj trajnoj, ĉe la dua haltas longdistancaj. Ankaŭ la suda stacio (en Sachsenhausen) havas konsiderindan rolon por fervojoj.

Lokaj (ĉirkaŭurbaj) trajnoj: Por la tiel nomata S-Bahn (simbolo S-bahn_sig.png) ekzistas tunelo de la ĉefstacio al la urbocentro kaj plu sub Majno al la sudoriento. Tiu ĉefa akso transprenas ankaŭ funkcion de metroo. De ĝi la linioj disradias al la ĉirkaŭantaj urboj. Ankaŭ la okcidentaj kvartaloj kaj la flughaveno estas tiel konektitaj kun la centro.

Enurba trafiko: kerno estas reto da metrooj (simbolo (simbolo U-bahn_sig.png) kun tri ĉefaj aksoj (iom tramecaj, vidu tram-metroo). De la nord-suda ĝi pluveturas ankaŭ al la apudaj urboj Oberursel kaj Bad Homburg. Krome ekzistas tramoj kaj busoj.

Futbala Mondpokalo 2006

Futbalpilko Mondpokala 2006.jpg]] Inter la 9-a de junio kaj la 9-a de julio 2006 en Germanio okazas la Futbala Mondpokalo, inter alie en Frankfurto. En la tute alikonstruita stadiono kun fermebla tegmento en arbarego sude de la urbocentro, kiu dum la turniro havas 43.324 sidlokojn, okazas pluraj matĉoj.

Ekzistas pluraj ofertoj por futbalemuloj, kiuj alvojaĝis sen enirbiletoj stadionaj kaj ne plu ricevis tiajn biletojn nigramerkate, tamen vidi la matĉojn - unu el ili estas la Majna Areno, ekranego meze de la rivero Majno en Frankfurto kaj spektejo kun miloj da sidlokoj je la riverbordo. Majna Areno Frankfurto 2006.JPG

Ligoj

Enciklopedio de Esperanto F | Enciklopedio de Esperanto | Urboj de Germanio

Gourt Home::Gourt :: Frankfurto ĉe Majno

Vidindaĵoj

Esperanto en Frankfurto ĉ. M.

Publika transporto

Futbala Mondpokalo 2006

Ligoj