Bitoko

Bitoko, Bajto aŭ Okopo : Opo el fiksita nombro da bitoj (kutime bitoko), traktata kiel tutaĵo. Kutime la malpleja adresebla memorero (ĉelo) havas la kapaciton 1 bajt; kiel mezurunuoj de memorkapacito ankaŭ estas uzataj kilobajto, megabajto, gigabajto.

Per la 8 bitoj de la normala bajto eblas kodi 256 diversajn valorojn, plej ofte por unu el la sekvaj celoj:

duuma prezento de sensignuma entjero el la intervalo ^*;
duuma prezento de signumhava entjero, de −128 ĝis 127 (i.a. tiel estas difinita la datumtipo byte en Ĝavo);
kodono de signo; sekve, la nombro de diversaj signoj facile prezenteblaj en komputilo kutime ne superas 256 — vd ISO-kodo;
duum-dekuma prezento de nombro: bajto entenas du duonbajtojn (bitkvaropojn), ĉiu el kiuj povas enteni reduktitan kodon de cifero aŭ signumo;
bajto povas esti fizika parto de pli granda, logike nedividebla tuto (ekz-e de mantiso);

Unu 8-bita bajto estas prezentebla per du ciferoj en deksesuma nombrosistemo. En malnovaj komputiloj estis uzataj ankaŭ 6-bitaj bajtoj, oportunaj por prezenti signon de 64-elementa signaro aŭ du okumajn ciferojn. Iam oni nomis bajto 16- aŭ 32-bitajn ĉelojn, sed hodiaŭ la bajtlongo egala al 8 bit estas firme establita, interalie en internaciaj normoj (ekzemple ISO-9660, ISO-11544).

Oni tradicie misuzis la scienciajn prefiksojn k, M, G, ktp por obloj de 1024 (2¹⁰) anstataŭ de 1000. Iuj distingas inter kB por 1000 bajtoj kaj KB por 1024 bajtoj, sed tiu distingo ne estas aŭdebla. Kun kilobajto la diferenco estas nur 2,4 %, sed kun terabajto la eraro estus jam 10 %. Tial estas konsilinde uzi la sciencajn prefiksojn nur kun iliaj oficialaj signifoj kaj uzi la alternativajn prefiksojn por obloj de 1024:

unu kilobajto (1 kB) = 1000 bajtoj	unu kibibajto (1 KiB) = 1024 bajtoj
unu megabajto (1 MB) = 1000000 bajtoj	unu mebibajto (1 MiB) = 1048576 bajtoj
unu gigabajto (1 GB) = 1000000000 bajtoj	unu gibibajto (1 GiB) = 1073741824 bajtoj
unu terabajto (1 TB) = 1000000000000 bajtoj	unu tebibajto (1 TiB) = 1099511627776 bajtoj

atentu kaj komparu la vikipedian statistikon pri E-o kaj aliaj lingvoj, precipe la procenton de artikoloj super 2 kilobajtoj

Fonto :Komputada leksikono Aparataro

Gourt Home::Gourt :: Bitoko