Barddoniaeth

Barddoniaeth ydy'r gelfyddyd o fynegi'n brydferth y meddyliau a gynhyrchir gan y teimlad a'r dychymyg, fel arfer ond nid bob amser gyda llinellau o hyd arbennig, rythm arbennig a'r lllinellau yn odli. mae rhai wedi disgrifio Barddoniaeth fel ffordd arbennig o drin geiriau. Ymhlith y technegau y gall bardd ddefnyddio mae cymariaethau, trosiadau, odl, cyflythreniad ac ailadrodd

Ymhlith y math o fesurau barddoniaeth y gellir ei gael mae englyn, telyneg, soned, cywydd, a baled.

Daw'r engreifftiau gynharaf o farddonaieth Gymraeg o'r chweched ganrif, sef Canu Aneurin a Chanu Taliesin. Tua'r nawfed ganrif cafwyd Canu Llywarch Hen a Chanu Heledd.Gelwir y beirdd o'r cyfnod cynnar yn Gynfeirdd a'r beirdd yng nghyfnod y tywysogion yn Ogynfeirdd. Ar ôl cwymp Llywelyn 1282 gelwir y beirdd yn Feirdd yr Uchelwyr a ysgrifennau llawer o gywyddau, pobl fel Dafydd ap Gwilym a Iolo Goch. Bu trai ar ysgrifennu barddoniaeth ar ôl uno Cymru â Lloegr. Rhaid cofio serch hynny bod emynau yr emynwyr yn farddoniaeth aruchel, yn enwedig gwaith William Williams Pantycelyn ac Ann Griffiths. Ar ddiwedd y bedwaredd ganrif ar bymtheg a dechrau'r ugeinfed caed dadeni gyda beirdd fel T Gwynn Jones. Nes ymlaen yn y ganrif roedd T H Parry-Williams a Gwenallt yn ysgrifennu, a thua chanol y ganrif bardd mawr arall oedd Waldo Williams. Mae llu o feirdd wedi ysgrifennu barddoniaeth o safon uchel o hynny hyd at ddechrau'r unfed ganrif ar hugain, nifer ohonynt yn ysgrifeenu mewn cynghanedd.

Yn y Gymraeg ceir Cynghanedd, rhywbeth sy'n unigryw i'r Gymraeg.

Rhestr beirdd enwog

Barddoniaeth

Gourt Home::Gourt :: Barddoniaeth