Triangulu

U triangulu hè una figura giometrica piana. Dati trè punti micca aliniati, hè a purzioni di pianu cumpresa à l'interiori di i trè sigmenti. Issi sigmenti sò chjamati lati, e i trè punti sò chjamati vertici.

Tipi di trianguli

I trianguli poni essa classificati d'apressu a lunghezza di i so lati:

In un triangulu equilateru tutti i lati hani una lunghezza uguali. Un triangulu equilateru hè ancu equiangulari, i so anguli interni essendu tutti di 60°.
In un triangulu isusceli dui lati hani listessa lunghezza. Un triangulu isusceli ha ancu dui anguli interni uguali.
In un triangulu scalenu tutti i lati hani lunghezzi diffarenti. L'anguli interni di un triangulu scalenu sò tutti diffarenti.

{| align="center" Equilateru Isusceli Scalenu I trianguli poni ancu essa classificati d'apressu i diminsioni di u so angulu internu u più ampiu.

Un triangulu rittangulu (o triangulu drittu) ha un angulu internu di 90° (un angulu drittu). U latu oppostu à l'angulu drittu hè dittu 'iputenusa; hè u latu u più longu di u triangulu rittangulu.
Un triangulu ottusu ha un angulu internu maiori di 90° (un angulu ottusu).
Un triangulu acutu ha tutti i so anguli interni minori di 90° (trè anguli acuti).

Rittangulu

Ottusu

Acutu

Prubità di i trianguli

A somma di l'anguli interni di un triangulu hè di 180°.

Dui trianguli sò uguali quandu t'hani:

i trè lati uguali;
dui lati e l'angulu cumpresu trà eddi uguali;
dui anguli e u latu cumpresu trà eddi uguali.

Quandu dui trianguli hani i trè anguli uguali, sò ditti simili.

Poligoni Puligoni

Gourt Home::Gourt :: Triangulu

Tipi di trianguli

Prubità di i trianguli