Senozoeg

Ar Senozoeg a zo un hoalad douarouriezhel hag en deus kroget 65,5 milion bloavezhioù'zo, goude steuziadur an dinosaored e diwezh ar C'hleizeg. En hoalad-se emaomp atav.

Rannet e vez ar Senozoeg etre daou sistem :

Ar Paleogenel isrannet etre teir amzervezh : ar Paleosen, an Eosen hag an Oligosen
An Neogenel isrannet etre peder amzervezh : ar Miosen, ar Pliosen, ar Pleistosen hag an Holosen

Dilezet eo bet ar rannadur etre an Trede hoalad hag ar Pevare hoalad, ar re-mañ teuziet er Senozoeg bremañ.

Er rummatadur diwezhañ e veze meneget ar Pevare hoalad evel ur sistem a zeue goude an Neogenel, ennañ ar Pleistosen hag an Holosen), met hiziv e vez astennet an Neogenel beteg hon amzer-ni.

Ar Senozoeg a zo hoalad ar Bronneged, simpl o stummoù er penn-kentañ, o-deus diforc'het e meur a skourrad loened douarel, morek hag aerel.

Emdroad an Angiospered a zo bet perzh bras all ar Senozoeg.

E-keñver an douarouriezh e c'heller merkañ m'en deus kendalc'het driv ar c'hevandirioù beteg o lec'hiad a-vremañ : Kendalc'het eo bet isrannadur ar Gondwana :

Aostralia ha Gwinea-Nevez a zo bet dilec'hiet war-du an Norzh ;
An Antarktika en deus drivet beteg ar Pol Su ;
Ledanaet eo bet ar Meurvor atlantel ;
En amzerioù tostoc'h deomp, Suamerika a zo deuet da vezañ staget da Norzhamerika.

Sell ivezh ouzh

skeul amzervezhioù douarouriezhel

Gourt Home::Gourt :: Senozoeg

Sell ivezh ouzh