Samieg

Ur skourr eus ar yezhoù finnek-ougrek eo ar yezhoù samiek (pe lappek (samieg: sámegiella) komzet gant tro-dro da 20.000 den en holl e lec'hioù zo eus Norvegia, Sveden, Finland ha Rusia.

Isrannet e vez ar yezhoù samiek e daou vloc'had pennañ, enne meur a rannyezh:

Yezhoù samiek ar c'hornôg
- Samieg ar su: Norvegia ha Sveden
- Samieg Ume — tost marv
- Samieg Lule: Norvegia ha Sveden (1.500 den, eil rannyezh muiañ komzet)
- Samieg Pite — tost marv
- Samieg an norzh Norvegia, Sveden ha Finland (15.000 den pe 75% eus an holl samiegerion)
Yezhoù samiek ar reter
- Samieg Kainuu — marv
- Samieg Kemi — marv
- Samieg Inari: Inari (Finland)
- Samieg Akkala — tost marv
- Samieg Kildin: Enezenn Kildin (Rusia)
- Samieg Skolt: Finland) ha Rusia
- Samieg Ter — tost marv

E lec'hioù zo ez eo posupl kompren ar rannyezhoù komzet e takadoù stok-ha-stok, met seul belloc'h ez eer seul vrasoc'h e vez an diforc'h etre ar rannyezhoù betek ma ne deuer ket a-benn d'o c'hompren. Diaezet eo evit an dud a gomz rannyezhoù eus ur bloc'had da gompren tud all a ra gant yezhoù eus ar bloc'had all.

Disheñvel eo statud ar yezh hervez ar vro ma vez komzet:

Norvegia: Yezh ofisiel eo ar samieg en un nebeud kêrioù (Kautokeino, Karasjok, Kåfjord, Nesseby, Sør-Varanger ha Tana). Hervez Bonreizh Norvegia, Mellad 110a (miz Ebrel 1988) e rank ar stad gwareziñ ha kas ar samieg war-raok.

Finland: Yezh ofisiel eo ar samieg en un nebeud kêrioù (Enontekiö, Inari, Sodankylä ha Utsjoki) abaoe 2003.

Hervez al Lezenn diwar-benn ar samieg (1991) e c'heller implijout ar samieg evit mont e darempred gant melestradurezh ar gouarnamant.

Sveden: Abaoe ar 1añ a viz Ebrel 2002 ec'h eo deuet ar samieg da vezañ unan eus ar pemp yezh minorelaet anavezet ez-ofisiel gant ar Stad. Bez' e c'heller ober gant ar samieg pa'z eer e darempred gant servijoù publik un nebeud kêrioù (Arjeplog, Gällivare, Jokkmokk ha Kiruna).

Krouet ez eus bet meur a doare-skrivañ unvan pe get evit ar samieg hervez al lec'h ma vez komzet:

* Samieg an norzh: skritur unvan krouet e 1948 hag adwelet evit ar wech diwezhañ e 1985.

* Samieg lule: skritur unvan gant un nebeud lizherennoù ispisial, d.s. Ń (ng)

* Samieg ar su: skrivet hervez reolennoù an norvegeg (æ, ø)pe ar svedeg (ä, ö) gant lizherennoù ispisial ouzhpenn.

* Samieg kildin: skrivet gant al lizherenneg kirillek gant lizherennoù ispisial ouzhpenn.

Liammoù diavaez

Gourt Home::Gourt :: Samieg

Liammoù diavaez