Republik Tchek | Silezia

CZ-cleneni-Slezsko-wl.png

Moravo-Silezia (Moravskoslezsko pe České Slezsko e tchekeg) eo bihanañ rannvro ar Republik Tchek. Chomet e oa e dalc'h an Habsbourged pa gouezhas lodenn vrasañ Silezia da Brusia e 1742. Österreichisch-Schlesien ("Silezia Aostrian") a veze graet eus ar vro betek 1918. Opava eo he c'hêr-benn istorel. Bremañ eo rannet etre rannvroioù melestradurel Olomoucký ha Moravskoslezský kraj.

E niveradeg 1910 e voe kontet 325 523 (43.90%) a alamanegerien, 235 224 (31.71%) a bolonegerien ha 180 348 (24.33%) a tchekegerien. Hiziv an deiz e vez komzet lac'heg, ur rannyezh eus an tchekeg , gant lod eus annezidi Moravo-Silezia.

Gorread Moravo-Silezia a zo 4 452 km², ha war-dro 1 000 000 a dud a zo o chom eno.

Kêrioù pennañ Moravo-Silezia

• Opava, alamaneg: Troppau (59 843)
• Český Těšín, alamaneg: Teschen (26 000)
• Krnov, alamaneg: Jägerndorf (25 600)

Kêrioù rannet etre rannvroioù:

• Ostrava, alamaneg: Ostrau (311 000) etre Moravia ha Moravo-Silezia

České Slezsko | Mährisch Schlesien | Czech Silesia | Ĉeĥa Silezio | Tsjechisch Silezië | Śląsk Czeski | Silezia Sudetină | Tjeckiska Schlesien