Ar c'helvin (simbol K, diwar anv Lord Kelvin) eo unanenn SI an temperadur termodinamikel. Diwar ziviz ez eus anvioù divoutin eus anvioù an unanennoù ha skrivet e vezont gant lizherennoù bihan (« kelvin » ha n'eo ket « Kelvin »).

Ar c'helvin eo ar gevrenn 1/273,16 eus temperadur termodinamikel poent tric'hement an dour (H₂O), hag ur variadenn 1 K a zo kevatal gant gant ur variadenn 1°C. Er c'hontrol d'an derez Celcius avat ez eo ar c'helvin un unanenn absolut eus an temperadur a zo bet degaset a drugarez da drede pennreolenn an termodinamik. Kevatal eo an temperadur 0 K gant -273,15°C ha klotañ a ra gant ar zero absolut (poent tric'hement an dour a zo da +0,01°C).

Dre ma n'eo ket ur muzul relativel ne vez ket lakaet ar ger « derez » nag ar simbol « ° » a-raok ar c'helvin, er c'hontrol d'ar pezh a vez graet gant ar derezioù Celsius pe Fahrenheit. Er penn kentañ e 1954 (10 CGPM, disentez 3, CR 79) e veze graet « derez Kelvin » eus ar c'helvin, ha skrivet e veze neuze °K. Tennet e voe an « derez » da geñver an 13 CGPM e 1967 (disentez 3, CR 104) ha dont a reas e simbol da vezañ K.

Troidigezh war-zu an unanennoù all :

• kelvin e derez Celsius : °C = K - 273,15
• derez Celsius e kelvin : K = °C + 273,15
• kelvin e derez Fahrenheit : °F = K × 1,8 − 459,67
• derez Fahrenheit e kelvin : K = (°F + 459,67) / 1,8

Unanennoù SI diazez | Unanennoù SI | Unanennoù muzuliañ

Kelvin | Kelvin | كلفن | Келвин | Kelvin | Kelvin | Kelvin | Kelvin | Kelvin | Kelvin | Kelvino | Kelvin | Kelvin | Kelvin | Kelvin | Kelvin | Kelvin | יחידות מידה לטמפרטורה | Kelvin | Kelvin | Kelvin | Kelvin | Kelvin | ケルビン | 켈빈 | Kelvinas | Kelvins (mērvienība) | Kelvin | Kelvin | केल्भिन | Kelvin (eenheid) | Kelvin | Kelvin | Kelwin | Kelvin | Кельвин | Kelvin | Kelvin | Kelvin | Келвин | Kelvin | เคลวิน | Kelvin (birim) | Кельвін | Kelvin | 热力学温标