Міжнаро́дная арганіза́цыя пра́цы альбо МАП (па-ангельску: International Labour Organization, скарочана ILO) — структурнае падразьдзяленьне Арганізацыі Аб'яднаных Нацыяў са штаб-кватэрай ў Жэнэве, Швайцарыя. Асноўная мэта арганізацыі — змаганьне за правы працоўных, паляпшэньне ўмоваў працы, спыненьне прымусовай дзіцячай працы, абарона правоў чалавека. МАП сталася падмуркам для прафсаюзнай дзейнасьці ў многіх краінах.

На сёньня сябрамі МАП зьяўляюцца 178 краінаў сьвету, у тым ліку і Беларусь.

Гісторыя

---

Арганізацыя была створаная ў 1919 годзе і фармавалася падчас перамоваў па Вэрсальскай дамове, першапачаткова зьяўлялася часткай Лігі Нацый. МАП стала часткай ААН пасьля Другой сусьветнай вайны, калі Ліга Нацыяў была скасаваная, і замест яе была створаная ААН.

Арганізацыя атрымала Нобэлеўскую прэмію міру ў 1969 годзе.

МАП і Беларусь

---

У 2004 годзе сэсія Міжнароднай арганізацыі працы пастанавіла ўжыць да Беларусі так званы «адмысловы параграф», што зьяўляецца адной з самых жорсткіх і надзвычайных мераў пакараньня, прадугледжаных статутам гэтай арганізацыі. У Беларусь была скіраваная камісія дасьледаваць стан з правамі прафсаюзаў, якая прызнала сапраўднымі факты парушэньня правоў незалежнага прафсаюзнага руху паводле 12 пунктаў. Да 1 чэрвеня 2005 году гэтыя рэкамэндацыі мусілі быць выкананы. Паводле разгляду вынікаў працы беларускага ўраду ў гэтым кірунку, 93-я сэсія Міжнароднай арганізацыі працы пакінула адмысловы параграф па Беларусі бязь зьменаў і накіравала ў Беларусь кантрольную місію ў студзені 2006 году. Вынікам працы кантрольнай камісіі можа стаць рэкамэндацыя Эўразьвязу па адмене гандлёвых прэфэрэнцыяў для Беларусі, што можа каштаваць краіне стратай як найменей 250 мільёнаў эўра штогод.

Зьнешнія спасылкі

---

• Афіцыйны вэб-сайт (па-ангельску)
• Адмысловая камісія Міжнароднай арганізацыі працы падрыхтавала справаздачу аб парушэньнях правоў прафсаюзаў у Беларусі (12 кастрычніка 2004)
• Міжнародная арганізацыя працы зацьвердзіла справаздачу па Беларусі й выставіла беларускаму ўраду 12 рэкамэндацыяў (19 лістапада 2004)
• Дэлегацыя МАП праверыць выкананьне правоў незалежных прафсаюзаў (16 студзеня 2006)
• Прадстаўнікі камісіі МАП сустрэліся ў Менску з дэмакратычнымі прафсаюзамі (17 студзеня 2006)

ААН | Ляўрэаты Нобэлеўскай прэміі міру

Organització Internacional del Treball | Mezinárodní organizace práce | International Labour Organization | International Labour Organization | International Labour Organization | Organización Internacional del Trabajo | سازمان بین المللی کار | Kansainvälinen työjärjestö | Organisation internationale du travail | Međunarodna organizacija rada | Organizzazione Internazionale del Lavoro | 国際労働機関 | Internationale Arbeidsorganisatie | Den internasjonale arbeidsorganisasjonen | Międzynarodowa Organizacja Pracy | Organização Internacional do Trabalho | Medzinárodná organizácia práce | Mednarodna organizacija dela | ILO | ILO | Міжнародна організація праці | 國際勞工組織