Socioloxía

La socioloxía ye la ciencia social que se dedica al estudiu sistemáticu de los grupos y les sociedaes nes cuales les persones viven. Estudia cómo son creaes, mantenies o camudaes les estructures sociales, el efeutu que tienen nel comportamientu individual y social y los cambios d'éstes, productu de la interacción social. La socioloxía aplica métodos d'investigación empíricos, analís de datos, ellaboración de teoríes y valoración lóxica de los argumentos.

El término "socioloxía" ye un neoloxismu creáu por Auguste Comte nel so Cursu de filosofía positiva (1838). Ye la combinación de socius (en llatín 'socio') y logos (en griegu 'estudiu' o 'conocimientu').

El terrén d'investigacion de la sociolxía ye abondu ampliu. Pue investigar los motivos polos cuales les persones seleicionan les sos pareyes fasta les razones de la desigualdá social nuna sociedá.

La socioloxía xeneralmente divídese en dos grandes áries: métodos d'investigación y teoría social de desendolcu profesional ya inteleutual. Estes áries tan intimamente conectaes y en munches ocasiones intercambien idegues y métodos.

Tres conceutos o fenómenos importantes estudiaos na socioloxía son el poder, la ideoloxía y les clases sociales o, en términos más xenerales, la estratificación social.

La creación de la socioloxía como disciplina ta asociada a los nomes d'Henri de Saint-Simon, Auguste Comte, Karl Marx, Émile Durkheim, Ferdinand Tönnies, Vilfredo Pareto y Max Weber.

Ver tamién-
Llista de sociólogos - Inmigración - Tribu urbana - Globalización - clientelismu

Socioloxía

Gourt Home::Gourt :: Socioloxía