Mirasol
: Plantae : Magnoliophyta : Magnoliopsida : Asterales : Asteraceae : Helianthus : annuus
Nome binomial
Helianthus annuus

El mirasol (Helianthus annuus) ye una flor con una tiesta grande que xira pa mirar pal sol. Delles variedáes desendolcáes hai poco tienen tiestes cayíes. Estes castres son menos prestoses pa los xardineros que críen les flores como arellos, pero apetecibles polos granxeros, ya que aguanten meyor los daños de los páxaros y les enfermedáes.

Les tiestes, que angüañu son compuestes, xorrecen n'un tallu que puede algamar varios metros y tien poques fueyes. Los pétalos pueden ser mariellos, marrones, naranxes y d'otros collores.

El mirasol vien d'América, y foi domesticada hacia el 1000 adC. Dende ehí, los españoles trayéronlo a Europa al niciu'l sieglu XVI.

El mirasol tien un 58% d'aceite nel frutu. Utilízase pa cocinar, anque nun tien les carauterístiques cardiosaludables del aceite d'oliva. Tamién val pa facer biodiésel. Los restos que sobren tras procesar la grana, úsense como alimentu pa la ganadería.

Les granes (pipes) úsense como aperitivu y alimentu pa los páxaros.

Cultivu

La dómina de semar en secanu ye ente'l 15 de xunu y el 20 de xunetu. La sema tien que facese en estayes separtáes 0,70 m, con una densidá de sema de cuatro plantes per metru llinial.

El meyor tarrén ye'l arcillo-arenu, a poca distancia de la capa freática.

El biltar de les granes asocede cuando la temperatura ye de 5ºC durante 24 hores.

Flores

عباد الشمس | Слънчоглед | Gira-sol | Sonnenblume | Sunflower | Sunfloro | Helianthus annuus | Tournesol | Napraforgó | Helianthus annuus | ヒマワリ | 해바라기 | Helianthus annuus | Zonnebloem | Girassol | Solros | Ayçiçeği | 向日葵