John Maynard Keynes.jpg John Maynard Keynes, Barón Keynes de Tilton (Cambridge, 5 de xunu de 1883 - Sussex, 21 d'abril de 1946) foi un economista británicu, cuyes idees tuvieren gran impautu nel pensamientu y la política enconómica darréu'l sieglu XX. Ye recordáu especialmente pol so apueste pol intervencionismu gunernamental na economía mediante aiciones fiscales y monetaries pa amenorgar los efeutos de los ciclos económicos. Ta reconocíu como el padre de la macroeconomía moderna y les sos idees xeneraren la corriente nomada keynesianismu.

Vida y obra

John Maynard Keynes foi'l fíu de John Neville Keynes, un profesor d'economia de la Universidá de Cambridge y de Florence Ada Brown, una escritora d'ésitu y reformista social.

Keynes llicenciose en matemátiques nel King's College de Cambridge, y llueu interesose na economía. Foi conseyeru del gobiernu británicu pente la Primera Guerra Mundial, y la so primer aportación pública como economista ye la publicación, en 1919 (acabante la guerra) de Les consecuencies económiques de la paz. Nesta obra argumentare que les reparaciones de guerra que taba obligao a pagar Alemaña a les naciones vencedores yeren escesives y aportaríen la economía alemana a la ruina. Estes predicciones quedaren fuera de toa dubia cuando la economía alemana fúndese en 1923 porla hiperinflación cuando namás pagara una pequeña parte de les reparaciones de guerra.

Keynes tamién asoleya Tratáu de Probabilidá en 1920, una notable contribución a los fundamentos filosóficos y matemáticos de la teoria de la probabilidá.

La so obra fundamental, Teoría Xeneral de la Ocupación, l'Interés y el Dineru foi publicada en 1936. Nesta, Keynes espón una teoría basada nel conceutu de Demanda Agregada par desplicar les variaciones nel nivel d'actividá económica que pudiéranse observar pente la Gran Depresión. El llibru exhorta una política económica activa por parte de los gobiernos cola fin d'estimular la demanda nos periodos de cris, por exemplu mediante la contratación d'obres públiques.

Durante la Segunda Guerra Mundial, Keynes argumenta en Cómo pagar la guerra que l'esfuerzu d'un conflictu bélicu habría ser sufragáu mediante un aumentu d'impuestos (frente a la tradicional mena de facelu mediante déficit públicu) cola fin d'evitar tendencies inflacionistes.

Keynes tamién escribió ensayos biográfiocs d'economistes y persones notables, así como Ensayos de persuasión qu'amuesen dellos intentos de Keynes d'influir nos responsables públicos durante la Gran Depresión.

Tres de la guerra, Keynes apuesta por un radical sistema monetariu internacional que inclúi un bancu central mundial y una unidá monetária.

El 1942 Keynes algamó'l títulu de Baró Keynes de Tilton.

Keynes, el magu les finances

La habilidá de Keynes como inversor ta demostrada polos datos públicos de fondos que él alministraba en beneficiu del King's College de Cambridge.

Dende 1928 hasta 1945, pente una caída masiva del Crack de 1929, los fondos alministraos por Keynes medren hasta nun 13,2% añal (l'índiz xeneral del mercáu británicu tenía tases de crecimientu negatives d'un 0,5% añal).

Los principios adoptaos por Keynes a la hora de realizar les inversiones puen resumise acordies colo siguiente:

1. Una esbilla amañosa d'unes poques inversiones que tengan un preciu relativamente baxu respeutu al so valor intrínsecu a llargu plazu y respeutu al restu d'inversions alternatives.

2. El caltenimientu d'estes inversiones tantu nos bonos periodos como nos de pérdidas, hasta qu'algamen les expectatives o se faiga evidente que la so compra foi un error.

3. Una posición equilibrada de les inversiones. Esto ye, diversificar los riesgos y a ser posible en riesgos opuestos (ex: tener una parte invertida n'oru, ya qu'esti valor compórtase en direcciones opuestes a les fluctuaciones xenerales)

Ver tamién

• keynesianismu

Británicos | Economistes

Джон Мейнард Кейнс | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | ג'ון מיינרד קיינס | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | ジョン・メイナード・ケインズ | 존 메이너드 케인스 | Iohannes Meginhardus Keynes | ຈອນ ເມນາດ ເຄນ | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | John Maynard Keynes | Кейнс, Джон Мейнард | John Maynard Keynes | John Maynard Keynes | John Maynard Keynes | John Maynard Keynes | Џон Мејнард Кејнс | John Maynard Keynes | John Maynard Keynes | Кейнз Джон Мейнард | 约翰·梅纳德·凯恩斯