Homo erectus o Pitecántropu (‘home tiesu’), primate estintu que pertenez a la familia de los Homínidos. Probable ancestru del Homo sapiens, atopáronse restos en Keña, Xava, Europa y China. Los primeros fósiles foron atopaos na islla de Xava aú foi nomáu Pithecantropus erectus u home de Xava. De calter dafechu bípedu, con volume de craniu ente 750 y 900 cm³, magar que les caberes especies l'aumentaron hasta los 1.250 cm³. Más alatre atopáronse fósiles semeyos en China (home de Pekín), n'Europa (home de Heidelberg) y en África (Atlanthropus). El Homo erectus vivió hai 1,8 millones d'años y caltúvose hasta hai unos 50.000 años.

Foi la primer especie que salió d'Africa. El H. erectus evolucionó a partir del Homo ergaster, espardiéndose per Asia.

Nos años 20 y 30, el alemán Franz Weidenreich alcontró les colecciones más importantes de fósiles de H. erectus nel yacimientu de Zhoukoudian, China, cerca Pekín. Dióse-yos el nome de Sinanthropus pekinensis u Home de Pekín, magar que llueu foron clasificaos como H. erectus. Teníen una antigüedá de 500.000 años pero fundiéronse na mar durante la Segunda guerra mundial mientres los tresportaben n'un barcu.

Homo

Homo erectus | Homo erectus | Homo erectus | Homo erectus | Homo erectus | Homo erectus | Homo erectus | Homo erectus | Homo erectus | Homo erectus | הומו ארקטוס | Homo erectus | Homo erectus | ホモ・エレクトス | Homo erectus | Homo erectus | Homo erectus | Homo erectus | Homo erectus | Homo erectus | Питекантроп | Homo erectus | Homo erectus | 直立人