La Dancia ye'l arte d'espresase con movimientos del cuerpu de mena estética y a traviés d'un ritmu, con o ensin son, esto ye que dalgunes dancies nun necesiten música.

La dancia ye parte de la Hestoria de la humanidá dende'l escomencipio de los tiempos.

Los primeros antecedentes alcuentrense enes pintures rupestres. La hestoria de la dancia reflexa los camudamientos enes relaciones del pueblu respeutu al su conocimientu del mundiu,amás relaciona los sus cuerpos y esperiencies colos ciclos de la vida.

La Dancia ena Antigüedá

• Nel Antiguu Exiptu, les dancies ceremoniales instituyéronles los faraones. Estes dancies, finaben en ceremonies representando la muerte y la reencarnación del dios Osiris, col tiempu ficiéronse más complexes de mena que namás podíen ser executaes por profesionales altamente cualificaos.

• Alreor de Nisio, el dios griegu del vinu y les orxies (nomau tamén Baco), grupos de muyeres, nomaes ménades, diben de nuechi a les montañes onde, pimplaes, cellebraben les sus orxies con dancies extásiques. Estes dancies , de dalgunes vegaes, incluyien música y distintes figures de la mitoloxía clásica que yeren representaes por actores y baillarines entrenaos. Finandu'l sieglu V enantes de Cristu estes dancies escomencipiaron a formar parte de la escena social y política de la antigua Grecia.

• Ente los romanos, l'aceptación de la dancia por parte de los poderes públicos foy cayendu. La cristianización del Imperiu Romanu introduxo una nueva era ena que'l cuerpu, la sexualidad y la dancia resultaron uníes y fueron obxetu de controversia y conflictos.

La Dancia ena Edá Media

• La actitú de la Ilesia Cristiana pa cola dancia, a partir del sieglu IV y durante tola Edá Media foy variable.

• Por un llau alcontramos el rechazu de la dancia comu estrumentu de permisividá sexual, llascivia y éxtasis por llíderes de la Ilesia comu San Agustín (354-430), influyendo pa tola Edá Media. Por otru llau, antiguos Padres de la Ilesia intentaron incorporar les dancies propies de les tribus del norte, Celtes, Anglosaxones, Galos.. enos cultos cristianos.

El Reñacimientu y el ñacimientu del Ballet

• El Renacimientu traxo una nueva actitú hacia'l cuerpu, les artes y la dancia. Les cortes d'Italia y Francia convirtieronse nel centru de nueos desarrollos ena dancia gracies a los mecenes a los mayestros de la dancia y a los músicos que crearon grandes dancies a escala social que ficieron que xurdieren munches cellebraciones y fiestes. Al tiempu la dancia convirtióse n'obxetu d'estudios serios y un grupu d'inteleutuales autodenominaos la Pléyade trabayaron pa recuperar el teatru de los antiguos griegos, combinando la música, el soníu y la dancia.

• Nel sieglu XIX, la era del ballet románticu reflexa el cultu de la baillarina y la llucha ente'l mundiu terrenal y el mundiu espiritual que tresciende la tierra, valga d'exemplu obres comu: Giselle (1841), El llagu de los cisnes (1895), El cascañueces (1892).

La Dancia nel sieglu XX

• Depués de la Primer Guerra Mundial, les artes en xeneral cuestionen los valores establecios y busquen nueves formes de reflexar la expresión individual y un camin de la vida más dinámicu. En Rusia xurde un reñacimientu del ballet propiciau polos más brillantes coreógrafos, compositores, artistes visuales y diseñaores. N'esta empresa collaboraren autores comu: Ana Pavlova ena interpretación, Claude Debussy e Igor Stravinsky con música pa ballets y Pablo Picasso... ena ellaboración de decoraos y tramoyes.

• Al tiempu de la revolución del Ballet xurden les primeres manifestaciones de les dancies modernes. Comu reación a los estilizaos movimientos del ballet y al progresivu emancipamientu de la muyer xurdió una nueva forma de baillar que potenciaba la llibre expresión. Una de les pioneres d'esti movimientu foy Isadora Duncan. A midia que la dancia foy ganando terrén, foy frayando toles regles.

• Dende los años 1920 hasta aguañu nueves llibertaes nel movimientu del cuerpu foron los detonantes del cambiu de les actitudes hacia'l cuerpu. La música con influencies llatines, africanes y caribeñes inspiraron la proliferación de las sales de baille y de les dancies comu la rumba, la samba, el tangu ó el cha cha cha. El renacer del Harlem fizo que xurdieren otres dancies comu'l lindy-hop ó el jitterbug. A partir de la década de los 1950 tomaron el relevu otres dancies más individualistes comu'l rock and roll, el twist y el nomau free-style; llueu apaeció'l disco dancing, el breakdancing...

Enllaces externos:

• Webs n'asturianu rellacionaes cola dancia o baille
• Festival internacional de música y dancia de Granada(castellán)

Danza

Danza | رقص | Танц | Dɔnke | নৃত্য | Dañs | Dansa | Tanec | Dans | Tanz | Χορός | Dance | Danco | Danza | Tants | رقص | Tanssi | Danse | Bal | Dûns | Damhsa | Danza | ריקוד | नृत्य | Ples | Tánc | Dansa | Danza | ダンス | ცეკვა | Saltatio | Danzen | Dans | Дансурь | Tarian | Danza | Ballo | Danz | Dans | Dans | Dans | Taniec | Dança | Dans | Танец | Ballu | Dance | Tanec | Ples | Dans | நடனம் | Sayaw | Dans | טאנץ | 舞蹈