Coordenada

Una coordenada ye un valor que permite definir la posición de cualquier puntu dun espaciu xeométricu respectu d'otru puntu llamáu orixen.

Hai dellos sistemes de coordenaes distintos:

Sistema de coordenaes cartesianes

Les coordenaes cartesianes defínense por dos exes cuando los puntos tan nun planu y por tres nel espaciu. Son exes perpendiculares ente ellos que se corten nel orixen. Les coordenaes dun puntu cualquiera vienen daes peles distancies ente l'orixen y les proyecciones del puntu sobre ca ún de los exes.

Sistema de coordenaes polares

Les coordenaes polares defínense por un exe que pasa pel orixen (llamáu exe polar). La primera coordenada ye la distancia ent l'orixen y el puntu consideráu, mientres que la segunda ye l'ángulu que formen l'exe polar y la recta que pasa per ellos. Cordonnees spheriques.png

Sistema de coordenaes cilíndriques

El sistema de coordenaes cilíndriques ye una xeneralización del sistema de coordenaes polares planu, al que se-y añade un tercer exe de referencia perpendicular a los otros dos. La primera coordenada ye la distancia ente l'orixen y el puntu, la segunda ye l'ángulu que formen l'exe y la recta que pasa pelos dos puntos, mientres que la tercera ye la coordenada que determina l'altura del cilindru.

Sistema de coordenaes esfériques

El sistema de coordenaes esfériques ta formáu por tres exes perpendiculares ente si que se corten nel orixen. La primera coordenada ye la distancia ente l'orixen y'l puntu, y les otres dos son los ángules que fae falta xirar pa llegar ala posición del puntu.

Coordenaes xeográfiques

Son la latitú y la lonxitú. Puen mostrase nos siguientes formatos:

DD Decimal Degree (Graos decimales): ex. 49.500-123.500
DM Degree:Minute (Graos:Minutos): ex. 49:30.0-123:30.0
DMS Degree:Minute:Second (Graos:Minutos:Segundos): ex. 49:30:00-123:30:00

Enllaces esternos

Epsilones - La invención de los sistemes de coordenaes