Alemaña

Alemaña ye un país d'Europa asitiáu na fastera central del continente. Tien llendes con: Dinamarca, Holanda, Bélxica, Luxemburgu, Francia, Suiza, Austria, República Checa y Polonia.

Xeografía

Heidelberg.jpg

Xeografía física

Alemaña espárdese dende los Alpes nel sur col sou puntu máis altu, la Zugspitze, ta las costas de la Mar del Norte y Báltica nel norte. Nel centru'l país asítianse los valles del Rhin y los montes y viescas del Hunsrück, Taunus y Thüringer Wald.

Los riéos principales son el Rhin, el Danubiu, l'Elba, el Menu y el Neckar.

Xeografía política

El país ta dividíu en 16 estaos federaos ou "Bundesländer".

Estáu	Capital	N'alemán
Baden-Württemberg	Stuttgart	Baden-Württemberg	Stuttgart
Baxa Saxonia	Hannover	Niedersachsen	Hannover
Baviera	Munich	Bayern	München
Berlín	Ciudá-Estáu	Berlín	Stadtstaat
Brandemburgu	Potsdam	Brandenburg	Potsdam
Bremen (Estáu) (inclui Bremerhaven)	Bremen	Bremen	Bremen
Hamburgu	Ciudá-Estáu	Hamburg	Stadtstaat
Hesse	Wiesbaden	Hessen	Wiesbaden
Mecklemburgu-Pomerania Occidental	Schwerin	Mecklenburg-Vorpommern	Schwerin
Renania del Norte-Westfalia	Düsseldorf	Nordrhein-Westfalen	Düsseldorf
Renania-Pallatináu	Mainz	Rheinland-Pfalz	Mainz
Sarre	Saarbrücken	Saarland	Saarbrücken
Saxonia	Dresde	Sachsen	Dresden
Saxonia-Anhalt	Magdeburgu	Sachsen-Anhalt	Magdeburg
Schleswig-Holstein	Kiel	Schleswig-Holstein	Kiel
Turinxia	Erfurt	Thüringen	Erfurt

Hestoria

BRDDDR.png

Lo alemán ye un sentimientu de pertencia a la nación alemana, eisistente dende hai máis de mil años, máis el país agora nomáu Alemaña foi namás xunificáu en 1871 en Versalles, cuandu l'imperiu encabezáu por Prusia fuer constituíu. Alemaña formóu un imperiu, el segundu "Reich" alemán. "Reich" ye la torna alemana d'imperiu, inda que puea tamién sinificare reinu.

Tres la Segunda Guerra Mundial tuvo axebrada en dúas partes, lo cual tien el sou raigañu na partición en cuatru alministraciónes subordinadas a los Estaos Xuníos, Reinu Xuníu, Francia (qu'han de formare l'Alemaña Occidental, República Federal d'Alemaña) y la URSS (que formaría nel sou territoriu Alemaña Oriental, República Democrática Alemana).

Economía

De-map.png

Alemaña ye la terceira potencial mundial en termos de PIB tres los Estaos Xuníos y Xapón. Ye una economía de mercáu na que la segurancia social ta garantida con unos amplios dereitos sociales comu grandes pagas de desempregu, ayudas sociales, etc. Magar que'l gobiernu autual y de xuru tamién tolos vindeiras tan a realizar una política máis aforradora en termos sociales pa rebaxar el déficit del estáu, Alemaña inda desendolca una de las políticas máis sociales de la Xunión Europea.

Los seutores secundariu y terciariu tienen un grande papel na economía d'esti país. Nel agru predomina una alta mecanización.

La ciudá de Frankfurt, qu'alluga el Bancu Central Européu, ye'l centru financieiru de Alemaña ya ún de los mayores de tola Xunión Europea.

Outros centros industriales asítianse en:

Val del Ruhr (Coloña, Bonn, Düsseldorf)
Val de Neckar y Rhin (Stuttgart, Mannheim, Ludwigshafen)
Baviera (Múnich, Núremberg)
Hamburgu

Enllaces esternos