Cultura

Related Topics:
Cultural :: Cultural_History :: Cultural_Studies :: Cultural_Information :: Cultural_Arts :: Cultural_Anthropology :: Cultural_Events :: Cultural_and_Language_Centers :: Cultural_Revolution :: Cultural_and_Ethnic_Diversity

A cultura se puede definir de dibersas manieras, pero alazetalmen se refere a :

Conchunto d'os conoximientos que premiten desembolicar un chuizio cretico.
Conchunto d'os modos de bida y costumbres, asinas como d'os conoximientos y grau de desembolique artistico, zentifico, industrial, en una determinata epoca, colla sozial, ezetra.

Clasificazión

En forma más detallada a cultura se clasifica, d'alcuerdo a as suyas definizions en:

Topica: A cultura ye una lista de topicos u categorías, tals como organizazión sozial, relixión u economía.
Istorica: A cultura ye o erenzio sozial, u a tradizión, que se trasmete a las esdebenideras chenerazions.
Comportamental: A cultura ye o comportamiento umán truxau y aprendiu, un modo de bida.
Normatiba: A cultura son ideals, abalues, u reglas ta bibir.
Funzional: A cultura ye a maniera que os sers umáns soluzionan problemas d'adautazión a lo ambién u a la bida en común.
Mental: A cultura ye un complexo de ideyas, u l'abitos aprendius, que iniben empentas y distinguen a la chen d'os animals.
Estrutural: A cultura consiste en ideyas, simbolos, u comportamientos, modelaus u pautaus e interrelacionaus.
Simbolico: A cultura s'alazeta en os senificaus albitrariamen asinnaus que son truxaus por una soziedá.

(John H. Bodley, An Anthropological Perspective)

Eboluzión d'o conzeuto de cultura

L'antropolochía como zenzia sozial ha estau a disziplina que cheneralmén ha efeutuato estudios sobre a cultura, referitos a a suya definizión, o suyo senificau como enanto sozial y dentro d'una soziedá determinata, asinas como a descrizión zentifica d'a cultura d'una soziedá .

O tema d'a Cultura popular como artes, tradizións, emplegos y costumbres ye en o articulo Artes y tradizións populars.

O senificau muderno y en eboluzion d'as nuebas teunolochías ha creyato ro termín cibercultura, que ye o replega d'os cambeos en a soziedá zebil: formas de treballar y meyos de produzión; en si mesmo ye un conzeuto ebolutibo porque cada begada albarca mas campos dende a informazión y a documentazión -funzional-, que ye o más reconoxiu, dica un nuebo umanismo -estrutural-.

A fuga d'os mobimientos migratorios ha emplantillau a cultura como espardidura y dimpués asimilazión d'abalues materials y espirituals, estando as influyenzias mutuas y creyando un ibriu de dos u más culturas con a suyo esprisión en o luengache, a gastronomía, o culto relixioso, l'artes populars, o folclore..., si se dan as menas propizias t'a asimilazión como serán: esposizión continada a os ebentos sozials y bel mena d'intrés u semellanza entre as collas dibersas. Puede pensar-se que a suya influyenzia en os cambeos sozials, a tenor d'a reyalidá alufrable, ye poco relebán, talmén porque no bi ha intrés u semellanza entre as collas a causa d'una insufizién esposizion.

A Organizazión d'as Nazions Chunitas t'a Educazión, a Zenzia y a Cultura (UNESCO), ha proposato un plan de proteuzión d'os cabals culturals d'o mundo, a trabiés d'a Combenzión sobre a Proteuzión d'o Patrimonio Mundial Cultural y Natural, emologato en 1972. Presenta una lista de cabals que pertocan a lo Patrimonio Mundial, más conoxiu como Patrimonio d'a umanidá.

Culturas d'o mundo

Culturas americanas

Mesoamericanas

Sudamericanas

Culturas europeyas

Culturas asiaticas

Meyo Orién

Culturas africanas

Cultura Echipzia

Atras Culturas

Gotico

Gourt Home::Gourt :: Cultura