Gourt Home::Gourt :: Koptisch
| Choptisch | |
|---|---|
| Gschprôche: | Ägüpte |
| Schprächer Insgsamt: | Usgschtorbe |
| Schprôchgrupp: | Afro-Asiatisch | Ägüptisch
| Offyzieler Schdatus | |
| Offyzieli Schprôch vo: | Choptischi Chilch |
| Schprôch Code | |
| ISO 639-1 | - |
| ISO 639-2 | cop |
| SIL | COP |
Chlasifizirig un Dialekt
Choptisch isch d'letschti Phase vur Ägüptischi Schprôch. Choptisch isch im gägesatz zum Demotische im Griechischi Alphabet, un schpöter imene eigni Choptischi Alphabet gschrybe wôre. S'hät im Choptischi zwee Literarischi Dialekt gäh un mehreri gschprôcheni. Dr Sahadischi Dialekt isch vo Heidnischi Prieschter entwiggelt wôre un isch ä reini Schriftschprôch gsi; er hät nüt ufeme gschprôchen Dialekt basirt. Sahadisch isch bis is 11te Jôhrhundert au vur Choptischi Chilch bnutz wôre un isch dänn vum Bohairischi Dialekt verdrängt wôre. Bohaisch hät sich us dr gschprôcheni Schprôch vum Nil Delta entwiggelt. D'andri gschprôcheni Dialekt sin s'Achmimik, Lükopolitan (beidi z'Oberägüpte), un s'Fajümisch (z'Unterägüpte) gsi.
Niedergang vum Choptischi
Nôch dr Arabischi Erobrig vo Ägüpte im 7te Jôhrhundert isch Choptisch immer meh verdrängt wôre; zerscht i dr Oberschicht wo Arabisch hät müsse lärne zume ihri Positione bhalte. Säll hät langsam zunere abnahmi vo literarischi Choptisch-Schprächer gführt. I däre Zit isch trotzdem ä huufe Literatur uf Choptisch gschrybe wôre, vorallem Chrischtlichi Teggscht. I däre Zit isch au Griechisch nô als Zweitschprôch i dr Chilch bnutz wôre. Irgetwänn zwüschem 11te un 13te Jôhrhundert hät Arabisch dänn Choptisch als gschprôcheni Schprôch aagfange z'verdränge. Ironischerwys isch die entwigglig vo dä Krüüzzüg begünschtigt wôre, d'Chopte hän nämlich dr Moslemischi, Arabischschprôchigi Bvölkrig hän wälle demonschtrire dass sä "Loyali Agüpter" sin. Coptic luke.jpgI däre Zit isch Arabisch i traditionel Choptisch Schprôchigi Domäne ydrunge; us däre Zit schtammet d'erschti Chrischtlichi Teggscht uf Arabisch. Bald isch numme nô selte uf Choptisch gschrybe wôre, un fascht numme nô Teggscht wo d'Moslems nüt hän solle läse chönne. Usserdem isch Choptisch durch d'Islamisirig vo Ägüpte verdrängt wôre; ob zerscht d'aazahl vo Choptisch Schprächer un dänn d'aazahl vo Chrischte abgnomme hät oder anderschrum isch nüt sicher, uf jäde fall hät Arabisch als Umgangschprôch zur Islamisirig bytrôge.
Usschtärbe vum Choptischi un Choptisch hüt
Choptisch isch als gschprôcheni Schprôch immer wyter nôch Süd-Ägüpte abdrängt wôre, endgültig usgschtorbe isch äs vylicht erscht im 17te Jôhrhundert, s'isch aber au möglich dass nô im 19te Jôhrhundert i manchi Gebiet Choptisch gschwätzt wôre isch. Hüt wird Choptisch numme nô als Liturgi Schprôch vo dä Choptischi Ägüpter bnutzt, allerdings numme i manchi Gebet un Hümne; s'git au äs Gebetsbuech uf Choptisch.
Koptische Sprache | Coptic language | Copto | Koptin kieli | Copte | קופטית | Koptisch | Copta | Копты | Koptiska
"Koptisch"