Elsässisch

Elsässisch (Elsässerditsch) heiße die alemannische Dialäkte, wo men im Elsass redt. Im gröschte Teil vom Elsass redt me nideralemannischs Oberrhiinalemannisch, einzig ds Sunngau im Süde ghört zum Höchalemannische. Nordeschtlich (Gegend vun Wisseburi/Wäjssebua) wird Pfälzerditsch (Rhinfränkisch) gredt, nordweschtlich (Krummes Elsàss) wird Lothringer Plàtt (Saar-Rhinfränkisch) geredt.

Elsässisch hitt

Nach ere Studie vo 2001 gä 61% vor elsässische Bevölkerig aa, das si Elsässisch rede. Vo de Jugendleche git nume jede viert aa, sich glägetlich uf Elsässisch z'unterhalte. Ir Mitti vom 20. Jahrhundert hei öppe 90% Elsässisch und/oder Hochditsch verstande.

Nume no umgrächnet 5% vo de Schuelaafänger chöi Elsässisch, wil nume no 28.8% vo den Elteren iri Chind mindischtens es bitzli Elsässisch lehre.

Klar isch es Stadt-Land-Gfäll zugunschte vom Land, vor allem im Norde un Nordweschte.

Schriftsteller, wo Französisch, Elsässisch u Hochditsch verstöh u schriibe, si unter anderem der René Schickele, der Jean Egen u der André Weckmann. Kerchplatz Ense.jpg Straßeschilder si hüüfig zwöisprachig (Französch u Elsässisch) usgfüert. Daderfür chöi Fördermittel bi der OCLA (Office pour la Langue & la Culture d'Alsace) beaatreit wärde.

I jüngerer Ziit wird e zwöisprachiger Unterricht aagsträbt.

Hiwiis: Mer därf die Zahle (d'DNA, e Elsässisch Ziitig, wo 2001 die o.g. Studie het gmacht) net so interpretiere wie vunere andri Sproch. Net vergasse: Nach 1945 han d'Elsässer versuecht, alles z'vermeide, was "Ditsch" klingt, oder was "Ditsch" in irgendere Form erschiint. Sie han ja nümme zum Feind welle ghöre, also han nadirli au viele Elsässer versuecht, "la langue de l'ennemi", also d'"Feindessproch" z'vermeide. Viele Elsässer han ihri eigeni Sproch, ihri eigeni Kültür uffgäwa, als Bekenntnis zu Frankri, weil sie "güeti Franzose" han wolle sii, un keine aagebliche "Separatiste" - bloß desweje weil sie sich in ihrer Muettersproch uusdrücke. So sajt mer im Elsass fascht nümme "nous parlons Alsacien" = mir babble Elsässisch. Patisserie-Allemann.jpg Im Elsass isch's normal, dass, wenn mer in e Gschäft geht und mer Elsässisch red, und wenn d'Verkäufere des verstehe, sie fascht numme uff Französch antworte. Warum? Weil sie sich schäme Elsässisch z'rede. D'Elsässer han, au hüt noch, en Minderwertigkeitskomplex. Mer därf it vergasse: Frankri hat d'ditsche Sproch im Elsass sitter 1918 uf's schärfste bekämpft. Leider mit Erfolg. D'Elsässisch Situation vo hüt isch s'Resultat vome Prozess über viele Generatione. D'meiste wo no Elsässisch chönne, sin aldi Lüt, und desweje hat die Sproch de Ruf, e "langue de vieux", e Sproch vun aldi Lütt z'sii. Und vun de jungi chö-n is d'meiste gar nümmi, und wenn, numme rudimentär. Und die wenige, wo's wirkli chö, wände's nit a: denn s'isch "une langue de vieux", oder "une langue de paysans", e Buuresproch.

Also: Wenn 61% no Elsässisch babble chö, heißt des nit dass sie's au mache. D'meiste vunene mache's nit. Und wenn, no numme im engste Familiekreis, im Private -nit i der Effentlichkeit. I der Effentlichkeit isch d'Elssäsisch Sproch so güet wie verschwunda. NB : Das muss ich etwas, als elsässer, ergänzen : wir benutzen eigentlich ziemlich den dialekt wenn wir vom franzose oder deutsche nicht verstanden wollen sein... eine art geheimsprache! aber sicher ist die sprache lebt nur noch auf dem land.

Wenn mer Elsässer frogt, bekommt mer kei eiheitliche Antworte. Der eine sajt, s'isch z'spät, die Sproch isch dod. Der andri sajt "bii uns im Dörfel rede sa noch olli Lüt". S'schiint, d'Elsässer wisse sälwer nit, ob d'Sproch no z'retten isch, oder nit.

S'giit Bestrebige, d'Chind wider d'Elsässisch Sproch z'lehra. Awer die Bestrebige chumma sehr spät, und sie sin sehr zögerlich - und sehr gering.

Ob sie noch rechtziitig sii chumma, wird erst d'Zukunft zeige.

Typischi Merkmal vor elsässische Mundart

Lutverschiebig vo zu [w. Bispil:

Elsässisch Mawe, Wawe/Waue vs. Mage, Wage i andernen alemannische Dialäkte (hochditsch Magen, Wagen.

Vili französischi Wörter. Bispil:

Elsässisch schwasiere (vu franzeessch choisir) vs. ussueche i andernen alemannische Dialäkte (hochditsch aussuchen)

Weblinks

Culture et Bilinguisme d'Alsace et de Moselle (René-Schickele-Gsellschaft)
Gschichte vo der elsässische Schprach
Amt für Sprach u Kultur im Elsass
Wörterbuech vo de elsässische Mundarte
D'r Liederbrunne

Alemannisch | Elsass

Gourt Home::Gourt :: Elsässisch

Elsässisch hitt

Typischi Merkmal vor elsässische Mundart

Weblinks