Basel

Related Topics:
Basel :: Basel-City :: Basel-Country :: Basellaceae :: Basella

Basel isch e Schwiizer Stadt am Rhy im Halbkanton Basel-Stadt und gliichzitig d Kantonshauptstadt. Basel (uf Französisch Bâle Italiänisch Basilea [bazi'lE:a) isch die drittgröschti Stadt vo dr Schwiiz. 188'000 Persone läbe 2004 im Kanton Basel-Stadt; und 690'000 in dr Trinationale Agglomeration Basel (TAB). Bale-p1020623.jpg Basel liggt im Nordweschte vo dr Schwiiz am Rhy und isch e groosses induschtriells Zentrum für die chemischi und pharmazeutischi Induschtrie. Basel isch e Gränzstadt und liggt näbe Dütschland und Frankrych. D Region Basel zämme mit em südwestliche Südbade un em Süd-Elsass haisst Regio TriRhena. Basel wird im Volksmund au als dütschsprochige Teil vo dr Romandie (französischsprochigi Westschwiz) gnennt; das ligt vor allem an de ähnlige Resultat bi nationale politische Abstimmige (d Dütschschwiz stimmt ehnder konservativ, d Westschwiz und Basel ehnder liberal) und am Motto vo dr Stadt, "Basel tickt anderscht".

Basel isch e römischi Gründig. Um 44 v. Chr. errichte d'Römer uf em Münsterhügel e Kastell, 374 wird dr Ortsnamme Basilia erstmols urchundlich erwähnt.

Basel het die ältischti Universität vo der Schwiz. Basel isch 1501 in d Eidgenosseschaft ydrätte und isch syt 1648 unabhängig vom Dütsche Rych.

Universität

Basel het die eltischti Universität vo der hittige Schwytz. Si isch anno 1459 grindet worde. Dr Erasmus, dr Paracelsus, dr Daniel Bernoulli, dr Leonhard Euler und dr Friedrich Nietzsche hänn alli zämme dert gschafft.

Sport

Basel gilt als erfolgyrchi Sport-Stadt. Dr FCB (FC Basel) isch scho syt ainiger Zyt dr erfolgrychschti Fuessball-Club vo dr Schwiiz. 2008 wird z Basel und in andere Stedt die europäischi Maischterschaft im Schutte ussdrait. S "Davidoff Swiss Indoors" isch s greeschti Indoor-Tennis-Event in Europa. Im Joor 2002 sinn World Judo Championships in Basel ussdrait worde. Basel het s greeschte Schutt-Stadion vo der Schwiiz, dr St. Jakob Park mit 31 539 Sitzplätz. D St. Jakobs-Arena isch e modärni Yshockey-Halle. Nit z vrgässe sin die zahlryche Sportler us dr Agglomeration vo Basel. Zem Bispyl dr Roger Federer, wo jo dr beschti Tennisspieler vo dr Wält isch, dr Alex Frei, wo Topscorer in dr franzeesische Liga isch, und d Pätty Schnyder, wo au e erfolgriichi Tennisspiilerin isch.

Dialäggt

Z Basel reede die maischte Lyt Baseldytsch (hüt maischtens mit ^* usgschproche und dorum mit <ü> gschriibe). Dr Dialäggt hed innerhalb vo de dytschschwytzer Dialäggt e Sonderschtellig - ainersyts us linguistische Grind: Är ghert als ainzige Schwiizer Dialäggt zue dr niederalemannische Sprochgruppe. Anderersyts gniesst är e bsunders Prestige, wo mit der Basler Fasnacht z tue het.

Transportation

D lokale öffentliche Verkehrsmittel werde vo de Basler Verkehrs-Betriebe betriibe.D Dræmmli sin grien und nit öppe blau wie in Zyri.

Wichtigi Persone us Basel

Johann Peter Hebel, Alemannische Dichter, Schöpfer vo dr (inoffizielle) Basler Hymne "Z'Basel an mim Rhi"
Aernschd Born
Jacob Burckhardt, Hischtoriker
Arthur Cohn, Film-Broduzänt
Dani Levy, Film- und Theater-Regisseur, Schauspiler
Luana, Rapperin
Black Tiger, Rapper
Albert Hofmann , Chemiker (nid in Basel gebore)
Theodor Zwinger, Mediziner
Jakob Bernoulli, Mathematiker und Physiker
Karl Barth, Theoloog
Leonhard Euler, Mathematiker
Christoph Merian, Gründer vo dr Christoph Merian Stiftig
Arnold Böcklin, Künschtler
Cesar Keiser, Kabarettischt
Heidi Abel, Fernseh- und Radiomoderatorin
Ruedi Walter, Schauschpiler
Alfred Rasser, Schauschpiler
Paracelsus, Gelehrte/Arzt
Erasmus, Gelehrte
Tinguely, Künschtler
Mäni Wäber, Färnsehmaa

Basler Bänds

Touch El Arab