Alemannischer_Schprôchruum.jpg Als Alemannisch (ISO 639-2: gsw) bezoichnet ma a Roihe vo oberditsche Sproche bzw. Groosdialekt. Alemannisch wird vo uugfähr zäe Millione Mönsche gredt. I de Schwyz kennt mers als Schwyzerdütsch, i Frankriich heissts Elsässerditsch.
Mer cha vieli Untrdialekt fünde - 's isch sogar vo Dorf zu Dorf nit gliich. Dr Name vun de alemannische Schproch isch vum Schtamm vu dr Alamanne bzw. Alemanne abgleitet.
S'hütigi Alemannisch hät sich usem Altalemannisch un Mittelzitalemannisch entwiggelt.

Daß mer dä Dialektsproochruum als „Alemannisch“ bezeichne duet, isch allerding no gar nit eso lang her. De Johann Peter Hebel, het zem erschte mol 1803 in sinem Büechli „Allemannische Gedichte“ sällem Wort zum Durchbruch verholfe. Interessanterwiis schriibt de Hebel sälber Alemannisch emol mit einem emol mit zwei „l“. Hüt hät sich aber d’Schriibig mit einem „l“ duuregsetzt. Hischtoriker und Archäologe verwände aber no oft die hischtorisierendi Variation „alamannisch“ und „Alamannen”.

Deutsche_Mundarten_seit_1945.png

Variatione

---

Alemannisch im ängere Sinn

• Niideralemannisch schwätzt mer im e breite Landstreife, wu vu dr Vogese (Elsass) iber Südbade bis an dr Arlbärg (Vorarlbärg) goht. Do ghert aü fascht dr ganz Liächtestei drzue. Zum Biispiil:
  • Boodeseealemannisch:
    • Allgäuerisch, Wälderisch, Montforter Düütsch
  • Oberrhiinalemannisch:
    • S alti Baseldytsch (mit em gröschte Teil vom Elsässerditsch un Alemannisch im Briisgau un in dr Ortenau). In Venezuela wird au ä gônz glei bisl Alemán Coloniero gschprôche.

• Hochalemannisch redt'mr vor allem im elsässische Sundgau, im badische Markgräflerland, im Südschwarzwald, fascht i de ganze alemannische Schwyz, im Walsergebiit vom Vorarlbärg und im Tiroler Lechtal. Zum Biispiil:
  • Bärndütsch un Züritüütsch

• Höchschtalemannisch - zum Byschpil:
  • Bärner Oberländisch und Wallisertiitsch oder o Seyslertütsch
  • E Deil vum Walserdialekt in Graubünde

Alemannisch im wittere Sinn

• Schwäbisch

Usserdem wird uabhängig vu de obige Underschidige underdailt in:

• Westalemannisch un Ostalemannisch

Sprochstatus vum Alemannische

---

Ä zimli haiß diskutirti Frog isch natürlich, ob es sich bi Alemannisch um e eigeni Sproch handlet. Dodezue dri Zitat ussem Hochdytsche:

Beim Dialekt fängt die gesprochene Sprache an. (Johann Wolfgang von Goethe)

Jede Region liebt ihren Dialekt, sei er doch eigentlich das Element, in welchem diese Seele ihren Atem schöpfe. (Johann Wolfgang von Goethe)

Die politisch Syte vu de Abgrenzig Dialekt – Sprache wird dytlich ime Linguistewitz ime Artikel vu Max Weinreich: Eine Sprache ist ein Dialekt mit einer Armee und einer Marine.

Lueg au: Südbadisch, Alemannen, Alemannischer Beispielsatz, Grammatik, Alemannische Literatur

Weblinks

---

• Alemannisches Wörterbuch & Alemannische Gedichte
• Alemannisches Quiz & Region Südbaden
• Höörbyschpil us de ganze Schwyz
• Dialekt-Wörterbuech
• http://www.alemannisch.de/
• http://www.germanistik.uni-freiburg.de/badischwb/
• Chochichästli-Orakel
• (deutsch) Woraus die Seele ihren Atem schöpft u.a.
• Alamanni und Sueben uf dr Rhetorik-Syte

Germanischi Sproch | Alemannisch

Yezhoù alemanek | Alamànic | Alemannische Dialekte | Αλεμαννική γλώσσα | Alemannic German | Alemana lingvo | Alemánico | אלמאנית | Tedesco alemanno | アレマン語 | Lingua Alemannica | Alemannisch | Alemão alemânico | Алеманнский диалект | 阿勒曼尼语