800

Related Topics:
800_Heroes

25. Dezember: Charl de Groß wird vu Papst Leo III. in de Petersbasilika vu Rom zum römische Chaiser („Augustus“ un „Imperator“) chrönt. Als Begründig dient im Papst die angeblich Thronvakanz in Konstantinopel, wo sit 797 mit Irene erstmols ä Frau Allaiherrscheri isch. Im Charl blibt d'Anerkennig als gliichberechtigter römischer Chaiser vum Gsamtriich dur Konstantinopel zuenächst versagt („Zwaikaiserproblem“). D'Chrönig wird als Usuropation ufgfasst. Faktisch bedütet d'Chröning d'Begründig vume aigeständige, obendländische Chaisertum, wo sich als Fortsetzig vum römische Chaisertum verstot (Translatio imperii). Unchlar isch, ob d'Krönig in sällere Form vum Charl sälber gewollt gsi isch, oder ob de Papst si aiges politisch Süppli chocht het.
Gmainsamer Feldzug vu Asturie (under Alfons II.) un vum Frankerrich (Heerfüehrer: Ludwig de Fromme) gege die spanische Maure. Lleida un Huesca werre eroberet, Barcelona belageret un 803 ignumme; d'Eroberige bilde d'Grundlag fer die Spanisch Mark
In Schwede löst d'Wikingerzitt d'Vendelzitt ab
D'Aghlabide erringe als Emire vu Ifriqiya/Tunesie faktisch d'Uabhängigkait vu de Kalife vu de Abbaside in Bagdad. D'Dynasti regeert bis 909 im Maghreb.

Liudger gründet s'Chloster Werden (hüt zue Essen), wo sich in de Folge zum bedütendste Chloster vu de Region entwicklet. Es isch Aigebesitz vu de Familie vum Liudger
Um 800: Gründig vum Frauenkloster Herford

Gourt Home::Gourt :: 800