14. Jahrhundert

S 14. Jahrhundert hät am 1. Januar 1301 aagfange und am 31. Dezember 1400 uufghört.
Es isch d Epoche vom Spaatmittelalter in Europa.

D Kriise vom 14. Jahrhundert
Übergang vo dr mittelalterliche Wärmephase zur chliine Iisziit
Entstehig vom Osmanische Riich
En Drittel vo dr europäische Bevölkerig schtirbt a dr sit sechshundert Jahre erschte Epidemie, dr Pescht - lueg au Schwarze Tod. (Erschti und gravierendschti Welle: 1347–1351, dänn unregelmässig alli nüün bis zwölf Jahr mit Underbrechige, bis sie 1722 ganz us Europa verschwindet.)
Endi vo dr mongolische Yuan Dynaschtie in China und Aafang vo dr Ming Dynaschtie (1368)
S Abigländische Schisma vo dr Römisch-Katholische Chile fangt aa1378 und füehrt zu ziitwiilig drei gliichziitige Päpst.
Di sit em 13. Jahrhundert entstehende Bauhütte erlebed ihri Blütezeit.
Durchsetzung vonere moderne Verwaltig in sich uusbildendi Landesfürschtentümer. Aschtell vo de Bsitzlischte vom 13. Jahrhundert träted jetzt zuenehmend Urbarbüecher, wo gnaui Bsitzbeschriibige mit Pächter und Zins enthalte händ.
Um 1320 haltet s Schüüsspulvergschütz Iizug i di europäischi Waffetechnik.
Zur Jahrhundertmitti exischtiered in Europa meeh als 4'000 Chlöschter. Am Orde vo de Benediktiner werded 1'500, de Franziskaner 1'450, de Zischterzienser 740 und de Prämonschtratenser 450 Baute zuegrechnet.
Schach hät sich in Mitteleuropa i de gsellschaftliche Chreise duregsetzt. De Rüdiger Manesse zeigt i dr Manessische Liederhandschrift Szene vom Schachspiel.

Richtigs Mischverhältnis vom Schwarzpulver dur de Mönch Berthold Schwarz wird aageblich im Jahr 1313 entdeckt.
Im Lauf vom 14. Jahrhundert fangt mer demit aa, d Chräft vom Wasser und vom Wind aktiv z nutze.
Es anders Ziitgfühl haltet Iizug i d Dörfer, es isch mit der Erfindig und Iifüehrig vo de Turmuhre choo.
D Buure chömed es neuis Mittel über, zum ihri Felder ökonomischer abzernte, nämlich d Sense.
Mit dr Erfindig vom Spinnrad chömed d Familie e neui Verdienschtmöglichkeit über.
I dr Geldwirtschaft isch d Buechfüehrig wesentlich verfiineret worde. Kreditbrief und Wechsel chömed nöd zletscht im Hundertjährige Chrieg ihri Bedüütig über.
Di Arabische Zahle lösed langsam di Römische Zahle ab, dademit fangt sich d Null aa durezsetze.

Schloss Runkelschtei be Boze, gröschter profane Freskezyklus vom Mittelalter 1388-ca.1400.

Barbara Tuchman: Dr ferni Schpiegel. S dramatische 14. Jahrhundert. ISBN 3-423-10060-5

Intressegmeinschaft Mensch im Mittelalter e.V Darschtellig vom alltägliche Lebe im 14te Jahrhundert. Mode, Huushalt, Alltagslebe
Diu Minnezît S Rittertum im Umbruch: Chleidig, Rüschtig, Handwerch, Alltag im 14ten Jahrhundert
Elvelüüt Hamborch D Ziit vo dr Hanse: Wie händ Chauflüüt in Hamburg vom 14te Jahrhundert uusgseh?

Gourt Home::Gourt :: 14. Jahrhundert